Ukraina, RF tecavuzından tek özüni degil, Baltıq-Qara deñiz vilâyetini de qorçalay - Kuleba

Олена Стецюк
·
14:16, 14 Ekimay
Ukraina, RF tecavuzından tek özüni degil, Baltıq-Qara deñiz vilâyetini de qorçalay - Kuleba
Foto menbası: Вікіпедія

Yedi yıldan ziyade Ukraina, tısiye tecavuzından tek özüni degil bütün Baltıq-Qara deñiz vilâyetiniñ tınçlığını imaye ete.

Bunıñ aqqında Ukraina tışqı işler naziri Dmitriy Kuleba Ukraina imayecileri künü sebebinden video muracaatında ilân etken. 

Bugün Ukraina, halqara arenasında emiyet qazanmağa devam etkenini qayd etti. 

“Ne territoriyalarınıznıñ işğali, ne tecavuzını bir vaqıt qabul etmeycegimiz. Bunı Qırım platformasınıñ tayin etici tarihiy sammiti isbatlay. 46 devlet ve halqara teşkilâtı Qırımnıñ qaytaruvı içün Ukrainanıñ küreşine qol tutqan. Biz, ğalebe qazanmağance küreşmege azırız”,- qayd etti Kuleba. 

Ve tınç kök içün teşekkürler sözlerine  ukrain imaye eticilerine muracaat etken. 

“Devletimizniñ mustaqiligi ve serbestligi, ukrain şeerler üzerinde tınç kökü - er şey seniñ sayesinde”, - dedi TİN başı. 

Bundan da ğayrı, nazir şunı hatırlattı ki, başlanğıç planı, Ukrainanıñ sekiz vilâyetiniñ zapt etüvini ve “Novorossiya” degeniniñ teşkil etilmesini közde tuta edi. Kreml, inqilâp ile quvetten kesilgen Ukraina, qarşı çıqıp olamağanında emin edi. 

“Amma tek bir aqiqatnı esapqa almağan - ülkeniñ imayesine çıqmağa azır olğan biñlerce erkekler ve qadınlarnıñ cesürligini. Aynı sizge qorçalanılğan Ukraina içün teşekkürler bildiremiz. Bugün ukrain diplomatlar, askeriy quvetler içün işançlı diplomatik arqasını temin etmek içün Ukrainanıñ halqara qol tutuv cebesini tutalar. Siznen bir okopta bulunğanımız içün memnünim”,- qayd etti Kuleba.