Kreml mabusı Oleg Prihodkonıñ tuvğanları,oña mahkün etilgen 110 biñ ruble miqdarında cöremeni ödettiler
Qanunsız surette mahküm etilgen Oleg Prihodkonıñ tuvğanları,oña mahkün etilgen 110 biñ ruble miqdarında (40 biñ grivna) cöremeni ödettiler.
Bunıñ aqqında Suspilne Qırımğa onıñ qızı Nataliya Şvetsova tarif etti.
Onıñ sözlerine köre, Prihodkonıñ ömür arqadaşına Rostovdaki makemesinden qararı kelgen. Anda ise şusu denile edi ki, ödetilmegen alda daire qısmı tevqif etilecek, ya da tuvğanlarınen Prihodkoğa yollanılğan parasından aqçanı alacaqlar. Tünevin qanunsız surette mahküm etilgeniñ qızı, cöremeniñ soñki 20 biñ rublesini ödetti.
Tafsilâtlıca oquñız: Kreml mabusı Oleg Prihodkodan eki ay içinde mektüp kelmey
“Anamnı qorquta ediler, hadimler kele edi. O, anamnıñ evi, bunı isbatlağan vesiqalarnı kösterdi. Amma olar ep bir kelip, neni musadere ete bileceklerini baqıp çıqtılar. Amma anda urbasından ğayrı, onıñ şeyleri de yoq”,- qayd etti Natalya Şvetsova.
Belli olğanı
- Qırımlı Öleg Prihodkonı işğal FTH yarımadada 2019 senesi orta küz aynıñ 9 yaqaladı. İşğal makemesi Prihodkoğa yarımadadaki terraktlarında qabaatlay. Prihodko qabaatlavlarnı red etip, onı ukrain mevamı içün tevqif etkenlerinde inandıra.
- Rostov-na-Donudaki makemesi Ukraina vatandaşı, qırımlı Öleg Prihodkonı qattı nizam tertibinen tevqifhanesine mahküm etti.Qayd etilgeni kibi, Prihodkoğa 110 biñ ruble miqdarında (37,6 biñ grn) cöreme tayin etilgen.
- Moskva civarında Vlasiha köyündeki Rusiye arbiy apellâtsiya makemesi Moskva civarında Vlasiha köyündeki Qırım sakini Öleg Prihodkoğa çıqarılğan ükümni denişmasiz qaldırdı.