Bunıñ aqqında orta küz aynıñ 13 tışqı işler naziri ilân etken.

“Bazar ertesi künü (orta küz aynıñ 11) rusiye tarafı, öz delillerni ketirip er kesni aldatmağa tırışa edi. O, adiy rusiye üslübinde er şeyni qarıştırmağa ıntıluvı edi. Lâkin tünevin (orta küz aynıñ 12)  söz aqqı, ukrain tarafına keçti ve biz Rusiyeniñ bu planını bozdıq. Ukraina, Rusiyege mesuliyetlikten qaçınmağa izin bermegen delillerni alıp ketirgen”,- haber etti nazir.

Onıñ sözlerine köre, RF köre, Ukrainanıñ mevamı, halqara aqqında esaslana: “Rusiyeli aldatıp idare etüvlerni añlatıp öz mevamını isbatladıq. Ukraina, 2018 senesi qasım ayında Rusiyenen Ukraina ADQ gemilerniñ qanunsız zapt etüvi, halqara adliyesinden aydın qıymetlendirüvini alsıñ dep bunıñ üzerinde çalışa”. 

Kuleba daa şunı qoştı ki, RF, Ukrainağa qarşıyapılğam bütün cinayetler ve halqara aqnıñ bozuluvları içün cevap bermeli.

“Qanunsız areketler bugün kerek olğan uquqiy qıymetlendirüvini almasalar, Rusiye, qaidelerni ileride de bozacaq. Buna köre, bu afta Ukraina Gaagada tek öz milliy areketlerini degil, umumen halqara aqnıñ bütünligini imaye etecek. Aqiqat bizim tarafımızdadır. Rusiyeniñ cinayetlerini adım-adım isbatlaymız, halqara makemelerden Kremlge qarşı ters ve sıñırlama tedbirlerniñ qabul etüvini talap etemiz”, - hulâsa çıqardı nazir. 

Belli olğanı

• BMT Halqara makemesindeki akemlik tribunalı, orta küz aynıñ 11 Rusiyenen 2018 senesi Keriç boğazında ukrain gemiler ve deñizcilerniñ zapt etüvi aqqında davasında diñlevini başladı.
• 2018 senesi qasım aynıñ 25 Qırım yalısı üzerinde rusiye arbiyleri “Berdânsk”, “Nikopol” ve “Yañı Qapı” gemilerine ateş açıp olarnı zapt ettiler. 
• 2019 senesi ilk küz aynıñ 7 deñizcilerni deñiştirip Ukrainağa qaytardılar. Qasım aynıñ 18 Moskva Kiyevge Keriç boğazı üzerinde zapt etilgen  ukrain gemilerni qaytarğan.