Bunıñ aqqında o, QIRIM.News’ke tarif etti.

Qayd etkeni kibi, Rostov taqiqat tevqifhanesinden Vladimir vilâyetteki apishanesine ömür arqadışınıñ keçirilmesinden soñ aqayınen keri bağlanıvı yoq.

“Oña endi eki mektüp yazdıq. Er kün poçta qutusına baqam, amma mektüp yoq. Cevap bermegence, qızımnen oña yazmağa devam etecegimiz”,- dedi o.

Lübov Prihodko şunu qayd etti ki, olarnıñ ailesi içün 110 bergiye tabiy olmağan asğariy kelir miqdarında (40 biñ grivna) cöremeniñ ödetip olamağanı sebebinden Vladimir vilâyetine aqayını körmek içün ketip olamay. 

Öz nevbette ombudsmen Lüdmila Denisova qayd etkeni kibi, Vladimir apishanesiniñ memuriyeti, Oleg Prohodkonıñ aqlarını boza. 

“Tüzetüv cezahanesindeki memuriyet areketleri, mabuslarnen adiy munasebet qaidelerniñ 37 maddesinen kefalet etilgen tışqı dünyasınen bağğa onıñ aqqınıñ ters bozuluvı olalar”,- haber etti o.

Denisova, RF’da insan aqları boyunca vekâletli olğan Tatyana Moskalkovadan ukrainlerniñ aqqına acele riayet etüviniñ temin etilmesini istedi. 

Daa “Ukraina vatandaşınıñ ömür, şahsiy serbestlik ve tiyilmemezlik aqlarnıñ ters bozuluvlarına acele surette cevap bermege” ricasınen halqara uquq qoruyıcı teşkilâtlarnıñ vekillerini ve diplomatik korpuslarını çağırğan. 

Belli olğanı

• Qırımlı Öleg Prihodkonı işğal FTH yarımadada 2019 senesi orta küz aynıñ 9 yaqaladı. İşğal makemesi Prihodkoğa yarımadadaki terraktlarında qabaatlay. Prihodko qabaatlavlarnı red etip, onı ukrain mevamı içün tevqif etkenlerinde inandıra.
• Rostov-na-Donudaki makemesi Ukraina vatandaşı, qırımlı Öleg Prihodkonı qattı nizam tertibinen tevqifhanesine mahküm etti.Qayd etilgeni kibi, Prihodkoğa 110 biñ ruble miqdarında (37,6 biñ grn)  cöreme tayin etilgen.
• Moskva civarında Vlasiha köyündeki Rusiye arbiy apellâtsiya makemesi Moskva civarında Vlasiha köyündeki Qırım sakini Öleg Prihodkoğa çıqarılğan ükümni denişmasiz qaldırdı.