AB, Qıırm ve Donbassta Devlet dumasına saylavlarnı teşkil etken er kesge qarşı sanktsıyalarnı kirsetmek kerek - Zelenskiy
13:29, 12 Ekimay
Foto menbası: Офіс Президента
Prezident Vladimir Zelenskiy ilân etkeni kibi, Avropa birliginiñ sanktsıyalar astına Rusiyenen işğal etilgen ukrain territoriyalarında Devlet dumasına saylavlarınıñ teşkil etilmesinde iştirak etken er kes oğramalı.
Bunı o, salı künü, orta küz aynıñ 12 Kiyevde Ukraina-AB sammiti vaqtında aytqan.
“Sanktsıyalı cedveline işğal etilgen Qırımda, Aqyar ş. ve Donbasstaki territoriyalarında RF Devlet dumasına saylavlarnıñ teşkil etilmesi ve keçirilmesinde iştirak etken er kes oğramaq kerek”,- ilân etken Zelenskiy.
Bundan da ğayrı, qanunsız surette işğal etilgen Qırımda insan aqlarınıñ muntazam bozuluvlarnıñ da diqqatsız qalmamasında israr ete.
Belli olğanı
- Avropa Birligi, Ukrainanıñ territorial bütünliginiñ bozuluvı sebebinden sanktsıyalı cedvelini daa sekiz insanğa kenişletken.
- Ukraina prezidenti Vladimir Zelenskiy Avropa Birligini, işğal etilgen Qırımda insan aqlar bozucılarına dair sanktsiyalarnı kirsetmege çağırğan.
