Bunıñ aqqında TİN matbuat hızmeti bildire. 

“Orta küz aynıñ 11 Ukraina, RF ile ukrain arbiy-deñiz gemilerniñ zapt etüvi aqqında oña qarşı davasındaki ağzaviy diñlevlerinde iştirak etecek. Akemlikte keçecek olğan diñlevler Rusiyenen akemlik yurisdiktsıyasınıñ red etüvlerine ait olacaqlar”,- denile beyanatta. 

Qayd etile ki, Ukraina, RF tarafından halqara aqnıñ bozuluvlarnı isbatladı. 

O vaqıt uyğun qararı içün 20’den 19 makemeci eey berdi, bu qararğa qarşı tek rusiyeli makemeci çıqqan  edi. 

TİN’de bildirilgeni kibi, rusiye tarafı, akemlik yurisdiktsıyasınıñ şikâyetine aqnı qullanğan, Ukraina ise yurisdiktsıyasına dair RF red etüvlerine ağzaviy diñlevlerinde cevap berecek.

“Gaagadaki akemlik makemesinde Rusiye içün ağır aftası başlana. TİN  uquqiy taqımı, delillerni ketirmege azır, çünki aqiqat bizim tarafımızdadır. Yavaş-yavaş Rusiyeniñ cinayetlerini isbatlap Kremlge qarşı sıñırlama tedbirlerni talap etemiz”,- qayd etti TİN başı Dmitriy Kuleba. 

Belli olğanı 

• 2018 senesi qasım aynıñ 25 Qırım yalısı üzerinde rusiye arbiyleri “Berdânsk”, “Nikopol” ve “Yañı Qapı” gemilerine ateş açıp olarnı zapt ettiler. 
• 2019 senesi ilk küz aynıñ 7 deñizcilerni deñiştirip Ukrainağa qaytardılar. Qasım aynıñ 18 Moskva Kiyevge Keriç boğazı üzerinde zapt etilgen  ukrain gemilerni qaytarğan.