“Eñ yahşı” şuralar adetlerinde cezalav ameliyatı - TİN, Celâlovnıñ ruhiyat hastahanesine mecburiy yollanuvı aqqında
11:23, 11 Ekimay
Foto menbası: Кримська солідарність
Ukraina Tışqı işler nazir muavini Emine Ceppar, işğal etilgen Qırımda apis etilgen Nariman Celâlnı ruhiyat hastahanesine keçirmege rusiye tahqiqatınıñ qararını “şuralar adetlerinde olğan eñ yahşı cezalav ameliyatı” dep adladı.
Tafsilâtlıca oquñız: İşğalciler Celâlovnı mecburiy psihiatrik ekspertizağa yolladılar
“Vaqtınca işğal etilgen Qırımda Nariman Celâlovnı esassız ve mecburiy tarzda ruhiyat hastahanesine yolladılar. Onıñ “ruhiyatçılıq ekspertizası 20 künden ziyade sürecek. Şuralar adetlerinde olğan ”eñ yahşı” cezalav ameliyatı”,- yazdı Ceppar Twitter’de.
Belli olğanı
- Advokat Nikolay Polozov, qırımtatar halqınıñ Meclis baş muavini Nariman Celâlğa meltüpler kelmegenini haber etti. O, közcülerniñ işinen bağlı ola bilgenini tahmin etti.
- İlk küz aynıñ 3 ve 4 Aqmescitte ve Kezlevde beş qırımtatarını Perevalnoye köyündeki gaz borusınıñ patlavında şübesi boyunca tevqif ettiler (iş adamı Eldar Odamanov, ağa-qardaş Aziz ve Asan Ahtemov, Şevket Üseinov ve qırımtatar halqnıñ Meclis başı Nariman Celâlnı).
- İşğal etilgen Aqmescitte apis etilgen Nariman Celâl, eñ fena şaraitlerinde buluna - advokat.
