BHT GA esas maqsadı işğal etilgen Qırımnda askerleşüvnıñ toqtatuvı ve insan aqlarnıñ mudafaası olmağa mecbur - Zelenskiy

Любезна Катерина
·
10:12, 22 Cevizay
BHT GA esas maqsadı işğal etilgen Qırımnda askerleşüvnıñ toqtatuvı ve insan aqlarnıñ mudafaası olmağa mecbur - Zelenskiy
Foto menbası: twitter.com/ZelenskyyUa

Ukraina Prezidenti Volodimir Zelenskiy BHT General Assambleyanıñ 76 sessiyanıñ prezidenti Abdulla Şahid ile körüşüv keçirdi. Bu körüşüv devamında Zelenskiy beyan etti ki, bu BHT GA sessiyanıñ esas maqsadı işğal etilgen Qırımnda askerleşüvnıñ toqtatuvı, rus tecavuzına qarşılıq ve Ukrainanıñ işğal etilgen territoriyalarına insan aqlarnıñ mudafaası olmağa mecbur.

Bunı Zelenskiy şahsiy Twitter saifesinde haber etti.

"Abdulla Şahid ile körüşüvde  ayttım ki,  bu BHT GA 76 sessiyanıñ esas maqsadı işğal etilgen Qırımnda askerleşüvnıñ toqtatuvı, rus tecavuzına qarşılıq ve Ukrainanıñ işğal etilgen territoriyalarına insan aqlarnıñ mudafaası olmağa mecbur", - prezident yazdı 

O qoştı ki, sıq işbirlikke ve Ukraina teşebbüsi ile yaratılğan kerekli rezolütsiyalarnıñ qayd etüvine ümüt ete

Daa oquñız: ABŞ BHTna: “Qırım - Ukrainanıñ qısımı ve bu kerçegini bir şey deniştirmege olmaz”

Malümat olaraq

  • Ukraina Prezidenti Volodimir Zelenskiy Amerika Birleşken Ştatlarını ziyaret etti. O Nyü-York şeyerinde keçirilgen Birleşken Halqlar Teşkilâtnıñ General Assambleyanıñ 76 sessiyasına iştiraq ete. Zelenskiy ayttı ki, Ukraina içün BHT Qırım Platformanıñ resmiy şekilde qayd etüvi pek müimdir.