Bunıñ aqqında Ukraina TİN vekili Öleg Nikolenko ilân etti, bildire UMH.

Nikolenkonıñ sözlerine köre, FTH tedbiri, Qırımdaki qırımtatar  ealisine qarşı basqılarnıñ saqlanuvına yöneliş tutqan RF cezalav organlarınıñ muvafaqiyetsiz ıntıluvı ola. 

“Gaz borudaki diversiyasına qırımtatar halqnıñ Meclisi ve Ukraina mudafaa nazirliginiñ istihbarat idaresiniñ “alâqasına” dair  RF FTH tarafından qabaatlavını RF tarafından nevbetteki qızıştırıcı bildirüvlerine diqqat ettik. Bu qabaatlavlarnı Rusiye Federatsiyasınıñ tarafından nevbetteki qızıştıruvı kibi dep sayamız”, - qayd etti TİN vekili. 

Şunı qayd etti ki, qanunsız sürette tutıp alınğan Ukraina vatandaşlarnıñ “tanımalarınen” KHV’daki videolar “sert işkenceleriniñ qullanuvı ile alınğan ediler”. 

Ukraina, Rusiye Federatsiyasından qanunsız sürette tutıp alınğan UKraina vatandaşlarnı deral serbest etip qırımtatar halq vekilleriniñ taqip etüvlerniñ ve işkenceleriniñ toqtatmasını talap ete. 

Belli olğanı

• İlk küz aynıñ 3 ve 4 Aqmescitte ve Kezlevde beş qırımtatarını Perevalnoye köyündeki gaz borusınıñ patlavında şübesi boyunca tevqif ettiler (iş adamı Eldar Odamanov, ağa-qardaş Aziz ve Asan Ahtemov, Şevket Üseinov ve qırımtatar halqnıñ Meclis başı Nariman Celâlnı). 
• Tevqif etilgenlerniñ soy-sopları, advokatları  ve başqa insanlar FTH binasına keldiler.
• Olardan qırqtan ziyadesi tevqif etilgen edi, ayrıca,  “Graney.ru” ve “Qırım birdemliginiñ” jurnalistleri Ayder Kadırov ve Nuri Abdureşitov.
• RF FTH’de şunı bildirdiler ki, “diversiya” aqqında degen davasınıñ “tahqiqatı” içinde qırımtatar halqnıñ Meclisiniñ Ukraina mahsus hızmetlerinen bağı aqqında malümatlar alınğan ediler eken.