Avropa parlamenti, Avropa birliginiñ RF’nen munasebetlerniñ kelecegi aqqında maruzasına qol tutqan
Avropa parlamenti, Avropa birliginiñ Rusiye Federatsiyasınen munasebetlerniñ kelecegi aqqında maruzasına qol tutqan.
Bunıñ aqqında tışqı işler naziri Dmitriy Küleba haber etti.
Onıñ sözlerine köre, Ukraina, metinden memnün oldı.
Daa qayd etkeni kibi, Avropa parlamenti, AB’ne Rusiyege qarşı sanktsiyalarnıñ ilerideki keñişletilmesine azırlamağa tevsiye ete, ayrıca, buna köre, “2-ci Şimaliy aqımı” da añıla.
“Rusiye, AB, Şarqiy ortaqlıq ülkelerine qarşı tecavuziy siyasetini ve gibrid cenkini toqtamağanca, Gürcistan, Moldova ve Ukrainanıñ territorial bütünligi halqara seviyede tanılğan sıñırlarında ğayrıdan tiklenilmegence, vesiqa, adiy işdeşlikke qaytuvınıñ olumsızlığını qayd etkeni pek müim. Avropa parlamenti, Ukrainanı eşitkeni ve Qırımda işğal ükümetinen Nariman Celâl ve başqa qırımtatar faallerniñ tevqiflerini qayd etkeni de pek müim. Olar da Avropa parlamentiniñ bu maruzasında añılalar. Daa Avropa parlamenti, Qırım platformasına qol tutqan”, - qayd etti Küleba.