Bunı Ukraina TİN bildire. 

Qayd etilgeni kibi, dört afta içinde delegatlar insan aqları boyunca BMT Yuqarı komissarı, BMT Baş kâtibi, BMT uquq qoruyıcı mehanizmlernen azırlanılğan 90 ziyade maruzanı baqacaqlar.

TİN’de qayd etkenleri kibi, Ukrainada insan aqları boyunca BMT nezaret missiyasınen azırlanılğan Ukrainada insan aqları saasındaki vaziyeti aqqında yuqarı Şurası İdaresiniñ maruzası muzakere etilecektir. 

“Ukrainanıñ vaqtınca işğal etilgen territoriyalarında insan aqlarınıñ rusiye işğal memuriyetinen yapılğan qaba bozuluvlar mahküm etilecekler. Bunen beraber, ukrain vatandaşlarına qarşı Rusiyeniñ qanunsız areketleri (tintüvler, tevqifler). Eldar Odamanov, Aziz Ahtemov, Asan Ahmetov, Şevket Üseinov, Nariman Celâl ve Kremlniñ başqa mabuslarınıñ adları oturışlar zalında daa çoq sefer aytılacaqlar”, - denile beyanatta.

İdareniñ malümatına köre, sessiyasınıñ kün tertibindeki farqlı  maddeler çerçivelerinde ukrain vekillerniñ çıqış mevzusı, “rusiyede yaşağan etnik ukrainlerine ve başqa milliy, diniy ve til azlıqlarına dair basqılarnıñ quvetleştirüv” köntekstinde Rusiyede insan aqlarınen vaziyeti de olacaq.

Belli olğanı

• İlk küz aynıñ 3 ve 4 Aqmescitte ve Kezlevde beş qırımtatarını Perevalnoye köyündeki gaz borusınıñ patlavında şübesi boyunca tevqif ettiler (iş adamı Eldar Odamanov, ağa-qardaş Aziz ve Asan Ahtemov, Şevket Üseinov ve qırımtatar halqnıñ Meclis başı Nariman Celâlnı). 
• Tevqif etilgenlerniñ soy-sopları, advokatları  ve başqa insanlar FTH binasına keldiler.
• Olardan qırqtan ziyadesi tevqif etilgen edi, ayrıca,  “Graney.ru” ve “Qırım birdemliginiñ” jurnalistleri Ayder Kadırov ve Nuri Abdureşitov.