Novinky çeh neşriyatı haber etkeni kibi, endi rusiyeli, ukrain tarafınen ekstraditsiyasına dair alıp berilgen talabına qararını bekleycek.

Françettiniñ advokatı Yan Şvarts, tevqiften soñ jurnalistlerge ilân etkeni kibi, ekstraditsiya aqqında Ukrainanıñ talabı, siyasiy sebeplerinde esaslana edi ve cinaiy faaliyetinen onıñ iç bir alâqası yoq.

“Evelki tevqif etüvi - ekstraditsiya ameliyatlarında adiy bir iş. Müştere, serbest etilgeni nadiren rastkelgen bir şey. Ekstraditsiyasınıñ kelecek ceryanında makeme, bu siyasiyleştirüvine qapılmaz dep ümüt etecegimiz”, - ilân etti Şvarts.

Neşriyat qayd etkeni kibi, Ukrainada Françettiniñ arbiyleştirilgen teşkilâtında azalıq içün ekiden sekiz yılğa qadar azatlıqtan marum etüv havfı bar. Lâkin Yan Şvarts iddia etkeni kibi, ekstraditsiyası olğan alda o, işkencelerge oğratılacaq ve Ukrainada onıñ ölüm havfı olacaq. 

“İç bir arbiyleştirilgen teşkilâtında bulunmağan edi, anarhiya üküm sürgen vaqıtta Aqyar qoruvınıñ teşkilâtçılarından biri edi ve anda farqlı opolçenler kire edi”, - dedi advokat. 

Pragadaki Yuqarı Şurasınen baqılacaq olğan tevqifke şikâyetini alıp bergen.

Belli olğanı

• Ukraina, Qırım işğaliniñ tutıp alınğan iştirakçısınıñ Pragadan ekstraditsiyası üzerinde çalışa.

• Praga ava limanında Ukraina talabı boyunca Rusiye vatandaşı, “qırım baarniñ” faali Aleksandr Françettini tutıp aldılar.