Bunıñ aqqında Suspilne Qırımnıñ mühbiri bildire.

Qayd etilgeni kibi, leyha, metin transkriptsiyasınen 21 intervyüsinden ibaret. Milliy hatırasınıñ ukrain institutıtınıñ ağzaviy tarihı arhiviniñ saytında video toplamını körmek mümkün olur. 

Leyha içün öz tefsirlerni Meclis başı refat Çubarov, qırımtatar halqınıñ lideri Mustafa Cemilev, TMMŞ sabıq kâtibi, sabıq baş nazir ve başqaları ve işğalcılarnen taqip etilgen qırımtatarlar berdiler.

Milliy hatırasınıñ Ukrain institutınıñ müdiri Anton Droboviç tarif etkeni kibi, tarif etilgen ikâyelerniñ aqiqatını ileride makemelerde şaatlıq olaraq, tarih ve kelecek nesiller içün qullanacaqlar.

“İlerideki makemelerinde tek şaatlıq olaraq degil. 50 ya da 100 yıl soñra insanlar bu devirni tetqiq etmege isteseler, olarğa tek arhiv malümatlar, halqara vesiqalar, makemecilerniñ qararları degil, kerçek insanlarnıñ aqiqiy ikâyeleri irişilir olur. Meselâ, 1917-1921 senelerdeki ukrain inqilâbı, Ekinci cian cenki aqqında malümatı yetmey”, - qayd etti Droboviç. 

“Biz içün o pek müim, çünki tarihiy hatırası ve işğal, silâlı çatışması vaqtında vaqiaları aqqında kerçekni bilmege aqqı - keçüv adliyesiniñ ayırılmaz elementlerinden biri ola. Buna köre, bugün köre bilgenimiz hatıralar pek müim olalar, çünki vaqıt keçe, vaqıtnıñ keçüvi ise ne devletniñ siyasetine, ne de halqara ortaqlığınıñ mevamına ve vatandaşlarımıznıñ fikirler, hatıralar ve duyğularına tesir etmemeli”, - qayd etti Qırım MC’de Ukraina Prezidentiniñ daimiy vekili Anton Körineviç.

Qırımtatar halqnıñ Meclis başı Refat Çubarov ilân etkeni kibi, Qırımda olıp keçken vaqialar ilim olmaq kerekler.

“Qırımda olıp keçkeni ilim olmaq kerek, amma bu vaqialar ilim olmadılar. Ukraina cemiyetinde munaqaşalı tarzda qabul etile bilgen şeylerni aytacağım. Ukrain devleti, 2014 senesine qadar öz suverenitetini saqlamağan, em de, şahsiy vatandaşlarınıñ çoqusına bu suverenitetini yıqmağa izin bere edi”, - qayd etti Çubarov.