“Ayrıca müim işlerniñ tahqiq etüvi boyunca idaresinen şusı tayin etilgen edi ki, qırım agro şirketlerinden birindeki müdirinen Devlet resmiyleştirüv ve kadastrnıñ devlet kömiyetine Kezlevde 775 biñden ziyade metr kvadrat meydanlığında arazisine bu şirketi ile saiplik aqqınıñ devlet resmiyleştirüvine vesiqalar alıp berilgen ediler”, - denile beyanatta. 

Daa idarede şunı iddia eteler ki, işğal memurı, “vesiqalarnıñ uquqiy ekspertizasınıñ keçirüvisiz qanunnı bozıp, şeer mülkiyetine ait olğan obyektlerniñ yerleştirilgen arazisiniñ şirketi adına mülkiyet aqqını resmiyleştirgen”. 

“Vazifedar şahısnıñ böyle areketlerinen belediye teşkil etüviniñ maddiy zararı ketirilgen edi. Tahqiqatnıñ şefaatı boyunca cinaiy davasınıñ figurantı, Aqmescit şeerdeki Kiyev rayon makemesinen apis etilgen”, - dep qoştılar idarede. 

Beyanatta tevqif etilgeniniñ adı ve soyadı qayd etilmegenler, onıñ mevamı ya da advokatlarnıñ tefsirleri yoq.