Vesiqada “Hersones Tavriskiy qadimiy şeeri” dünya mirasınıñ saqlanuv alı aqqında ve bu obyektine zarar ketire bilgen areketlerinden uzaq turmağa çağıruvlar aqqında hatırlavlar añıla. Daa abide teritoriyasında Rusiyenen “tamir etüv işlerniñ” keçirilmesi ve diniy ve eglendirici maqsatlarda “virane” tedbirleriniñ ötkerilmesi aqqında malümatı bar.

Tafsilâtlıca oquñız: Rusiye işğal etilgen Qırımda olğan Ukraina medeniy mirasını çekip ala ve  dünya cemiyetine öz faydasına deniştirilgen yarımada tarihini taqdim  etmege niyet ete - ekspert

Bundan da ğayrı, Bağçasaraydaki Han Sarayı boyunca işleri añılalar. Olar, vesiqada qayd etilgeni kibi, “abideniñ tarihiy-medeniy qıymetiniñ yoq oluv telükesini yaratalar”.

“Qırımnıñ rusiye işğali, Ukrainanıñ tarihiy ve medeniy mirasınıñ idrağını deñiştirgen. Rusiye, yarımadadaki medeniy qıymetlerini şahsiyleştirilgen, bunen beraber devletniñ imayesi astında olğan 4095 milliy ve yerli abideni de. Abidelerniñ şahsiyleştirüvi, halqara aqnıñ bozuluvı ola”, - denile yayınlandırılğan malümatında.

Belli olğanı

• İşğalcılar, YÜNESKO cedvelinde Tavriya Hersonesini "özüne yazmağa" planlaştıralar.
• Qırımtatar halqınıñ Meclis başı Refat Çubarov ilân etkeni kibi, işğalcılar, öz başqa cinatlernen beraber olarnen Medeniy qıymetlerniñ imayesi aqqında şartnameniñ bozuluvı içün ceza çekecekler. 
• İqtisadiy strategiya merkezi Qırımnıñ vaqıtace işğal etüvi sebebinden zararını 135 mlrd $ degerlendirdi.