İşğal etilgen Qırımdan Ukrainanıñ qıtaiy qısmına COVID-sertifikatları boyunca kirmek mümkün olacaq

Присяжнюк Владислава
·
11:18, 14 Cevizay
İşğal etilgen Qırımdan Ukrainanıñ qıtaiy qısmına COVID-sertifikatları boyunca kirmek mümkün olacaq
Foto menbası: Суспільне Крим

Ukraina Nazirler Kabineti, epidemik vaziyetini toqtatıp ülkeniñ iqtisadiy faaliyetini saqlamağa fırsat berecek olğan deñişüvlerini amelge keçire. COVID-sertifikatları aqqında söz kete.

Bunı SQN’de bildirdiler.

Qayd etilgeni kibi, qabul etilgen deñişüvler, COVID-sertifikatınıñ eki  “sarı” ya da “yeşil” optsıyası ve vaktsınatsıya aqqında malümatı, testlevniñ menfiy neticesi (72 saat süre) ya da COVID-19’dan tüzelüviniñ bar olmasını közde tutalar. “Sarı” degen sertifikatnıñ ilk aşılavı aqqında, “yeşil” soynıñ ise bütün kursı aqqında malümatı olacaq.

Ükümetnen amelge keçirilgen deñişüvler memuriy sıñırınıñ keçüvine de ait olalar.

“Ukraina sıñırını keçken şahısnıñ vaktsınatsıyası aqqında “sarı” ya da “yeşil”, COVID-19’dan tüzelüvi aqqında sertifikatı olsa, oñıñ, öz başına tecrit etüvini keçmege keregi yoq. O, vaqtınca işğal etilgen territoriyalarından kelgen şahıslarına da ait”, - dep bildirdiler SQN’de.

Belli olğanı

  • Evelden haber etilgeni kibi, vaktsınatsıyası aqqında vesiqasınen Ukraina vatandaşları işğal etilgen Qırımnen memuriy sıñırını maniasız keçe bileler. Onıñ yoq olğan alda ise olar “Diya” ilâvesini yüklep öz başına tecrit etüvine ketmek kerekler.