Qırımnıñ işğal vaqtı içinde sanktsıyalarnıñ bozuluvı içün kompaniyalarnıñ mesuliyetke celp etüviniñ tek eki vaqiası qayd etilgen

Олена Стецюк
·
16:24, 13 Cevizay
Qırımnıñ işğal vaqtı içinde sanktsıyalarnıñ bozuluvı içün kompaniyalarnıñ mesuliyetke celp etüviniñ tek eki vaqiası qayd etilgen
Foto menbası: Центр Громадянських Свобод

Qırımnıñ işğal vaqtı içinde ekspertler, sanktsıyalarnıñ bozuluvı içün kompaniyalarnıñ mesuliyetke celp etüviniñ tek eki vaqianı qayd ettiler.

Bunıñ aqqında Euromaidan Press’niñ baş muarriri Aleksandra Şandra bildirdi.

Onıñ sözlerine köre, sanktsıyalardan ğayrı, bazı ğarbiy tehnologiyalar RF’ğa işğal etilgen Qırımnıñ astyapı meselelerini çezmege yardım eteler. Meselâ, Simens gaz boruları Rusiyege elektrik temin etüv meselelerini çezmege yardım ettiler. Şimdi suv meselesi qala. Sanktsıyalar bozucılarını ferdiy tarzda cezalamaq içün ekspert, Magnitskiy ve oña oşağan qanunlarını qullanğan ülkelernen çalışmağa tevsiye ete.

“Bu yedi yıl içinde sanktsıyalarnıñ bozuluv sırasını köremiz, amma bunıñ içün mesuliyetke celp etüviniñ tek eki vaqianı. Ve o, amerikalı kompaniyalarınen alâqalı edi. Qırımdaki astyapı meselelerini çezmek içün Rusiyege ğarbiy tehnologiyalar kerek. Sanktsıyalarnıñ dünya mimarlığında deñişüvler bar, ve Ukraina bunı qullanmaq kerek. Magnitskiy qanunı üslübinde daa çoq qanun peyda ola. Olar şimdi farqlı şeerlerde qullanalar, amma sanktsıyalarnıñ ayrı bozucılarını cezalandırmaq içün umumiy kooedinatsıyası bar. Qırımda insan aqlarınıñ bozuluvlarınen vaziyeti deşetli olğanı aqqında er kes bile. Ukraina da bu yolunen areket etip insan aqlarınıñ bozucılarını belli etmek ve olarnı ferdiy tarzda cezalamaq içün, Magnitskiy ve oña oşağan qanunlarını qullanğan ülkelernen çalışmaq kerek”, - qayd etti Aleksandra Şandra.

Felemenkteki Utreht Üniversitetiniñ halqara uquq kafedrasında ocası, felsefe doktorı Sedrik Ringayert, bozucılar sanktsıyalı qanunlarında qusurlarını qıdırğanını añlata. 

“Qırımğa dair Rusiyege qarşı sanktsıyalarnıñ qaviy destegi bar. Bu destekniñ ileride sürecegi belli degil. Deñişüvler olmağan yerde uzun müddetli sanktsıyalarnı devam ettirmek zor. Ve avropalı ülkelerniñ çoqusında Qırım işğali,  soñuna yetken ceryanı kibi sayıla sanki… Qırımda peyda olğan Avropalı mallar aqqında aytacaq olsaq, menimce, olarnı bozuluvlar kibi saymaq kerekmey. Birirnciden, sıq Rusiyege ihracı oluna ve o, iç bir qanunını bozmay, ğaliba… Soñ ise yerli istimalcınıñ sertifikatsıyası oluna. O, demek - istimalcılar bu malnı Qırımğa alıp satalar, o da, Rusiye qanunlarına binaen, qanun esasında oluna.

Baş prokurornıñ ofisinde qayd etkenleri kibi, Ukrainada sanktsıyalı rejiminiñ bozuluvı içün mesüliyetlik ale daa yoq. Uyğun qanun leyhası, parlamentte resmiyleştirilgen.

“Sanktsıyalı rejiminiñ bozuluvı içüm mesüliyetlik yoq. Memuriy sıñırınıñ keçüv qaidelerniñ bozuluvı, vaqtınca işğal etilgen territoriyasında mallarnıñ  satuvı içün mesüliyetlik bar. Bu yönelişte başqalarnen halqara işdeşligine dair açıq sualim qaldı. Qırım MC prokuraturasınıñ seviyesinde biz başqa ülkelerniñ tecribesini tetqiq etip ülkelerniñ bazısında Ukrainadaki vaziyetinen bağlı sanktsıyalarnıñ qullanuvına dair qanunlarnıñ bar oluvını bile körgen edik. Sanktsıyalar, azatlıqtan marum etüvini bile közde tuta ediler. Mesele şusı ki, cinaiy koseksinde evelden esapqa alınğan aynı maddesi olmağan edi”,- qayd etti Ukraina Baş prokuror ofisiniñ vekili Zera Kozliyeva.