İşğal etilgen Qırımda RF SQ’de “hızmetten red etüvi” içün 250 ziyade davanı açtılar - uquq qoruyıcılar
14:31, 13 Cevizay
Foto menbası: sprotyv.info
Arman aynıñ soñuna qadar RF SQ’de “hızmetten red etüvi” içün 250 ziyade davası, Qırımnıñ işğal makemelerine alıp berilgen edi.
Bunıñ aqqında Qırım uquq qoruyıcı gruppasınen azırlanılğan insan aqlarınen vaziyetiniñ nezaret baquvında denile.
Arman ayında QUQG, Qırım sakinlerine dair RF CK 328 m. (RF Silâlı quvetlerinde hızmetten red etüvi) boyunca 14 yañı cinaiy davanı ve RF CK 328 m. boyunca qabul etilgen 10 yañı ükümni qayd etken.
“Umumen, arman aynıñ soñuna qadar QUQG, RF SQ’de hızmetten red etüvi içün 258 cinaiy davanı qayd etken. Olardan 232 soyu boyunca ükümler çıqarılğan , daa 26 baquv devrisinde bulunmaqtadır”,- denile baquvda.
Belli olğanı
- QUQG malümatına köre, 2021 senesi oraq aynıñ soñuna qadar Qırımda RF SQ’ne çağıruvı boyunca 13 kampaniyası keçirilgen. Bu vaqıt içinde Rusiye ordusına işğal etilgen yarımadasınıñ 31 biñ sakini çağırılğan.
- AB’de işğal etilgen Qırımdaki arbiy çağıruvını insan aqlarınıñ bozuluvı dep adladılar.
- AQŞ, Qırımda insan aqlarınen bağlı vaziyeti aqqında maruzasını yayınladılar. Vesiqada, Rusiye, arbiy hızmetten red etüvini qırımlılarnıñ taqip etüvi içün qullanğanı aqqında söz kete.
