Bunıñ aqqında Ukraina tışqı işler nazirliginiñ vekili Oleg Nikolenko ilân etti, bildire “Glavkom”.

Qayd etkeni kibi, tünevin Çehiyanıñ uquq qoruyıcı organları, Ukrainanıñ talabına rusiyelini Praganıñ halqara ava limanında tutıp aldılar.

“Tevqif, Rusiye vatandaşı Aleksandr Françettini, Ukrainağa qarşı cinayetler sırasında,  ayrıca Qırımnıñ rusiye işğalinde iştirağı içün mesuliyetke celp etüv maqsadınen ukrain ve çeh uquq qoruyıcılarnıñ kelişilgen areketleriniñ neticesi olğan. Ukrain tarafı, Aleksandr Françettini Ukrainağa alıp berilmesi maqsadınen kerek olğan ameliyatlarnıñ bitirilmesi üzerinde çalışa”, - qayd etti Nikolenko.

Belli olğanı

• Praga ava limanında Ukraina talabı boyunca Rusiye vatandaşı, “qırım baarniñ” faali Aleksandr Françettini tutıp aldılar.