İşğal etilgen Qırımda ölüm derecesi artmağa devam ete
11:29, 13 Cevizay
Foto menbası: kafanews.com
2021 senesiniñ altı ay içinde işğal etilgen yarımadada 10,2 biñ bala doğğan. O, 2020 senesiniñ aynı devrisine köre, 1%’ğa eksik.
Bunıñ aqqında işğal “Krımstat” bildire.
Taqdim etilgen malümatlarğa köre, işğal etilgen Qırımda doğuv seviyesi, ardı-sıra altıncı yıl eksile. Bunen beraber, 2021 senesiniñ 6 ay içinde ölüm seviyesi de artqan - 18,8 biñ şahısqa qadar. O, keçken yılğa köre, 19%’ğa artqan.
Böyleliknen, yarım yıl içinde Qırımdaki ealiniñ tabiiy azlaşuvı, 8,6 biñ şahıstır. Bu devir içinde ealiniñ 1000 insanğa ölgenlerniñ sayısı (ölüm koeffitsiyenti) 17,1 oldı.