Bunı “Qırım birdemligi” haber etti.

Şu zamanda advokat Mıkola Polozov mahkemenen mudafaadan çıqarılğan edi ve apelâtsiya beyanatçisı ıye diñleycesi olaraq ceryanda iştiraq etti.

“Uquqçi qayd etti ki, evelsi qabaatlav tarafı altı yıllıq apis cezasını doquz yılğace devamlamağa ve qatalar ile yapılğan vesiqalarını (fedalarnıñ adaları qatalarnen yazılğan ediler, ekspertiza materiallarına saifelernıñ nomeraları doğru yazılmağan ediler) talap ete edi,  lâkin bugün prokuror cezanıñ çoqlaşuvından red etti. Devlet advokatı ükümnıñ yasağını talap  etti,  çünki mudafaa aqqı bozulğan edi. Mahkeme mudafaa dalillerin diñleyp, cezanı denişmesiz qaldırdı", - haberde aytıla.

Evelsi, Polozovnı Çubarov davasından “Qırım Yuqarı makemenıñ” “makemecisı” Viktor Vasilyev çıqardı. Sebebi - Refat Çubarov ve Ahtem Çiygoz fikirlerine zıddiyet. Qoruci eki makemelengen adamnıñ meraqlarını taqdim ete, Çiygoz Çubarovnıñ cinayet davanıñ iştiraqçisı ola. Ondan ğayrı, “prokuror” aytqanına köre, onıñ cinayet faaliyetı aqqında malümat bergen edi. 

“Qaydan prokuror böyle manasızlığını taptı haberim yoq, çünki mahkeme oturuşınıñ protokolına Ahtem Çiygoznıñ aytqan sezleri qayd etilgen ve böyle malümatlar anda yoq”, - uquq qoruci ayttı.

Polozov Refat Çubarovğa qarşı “Qırım Yuqarı makemesinnen” çıqarılğan ükümge apellâtsiya şikâyetini berdi. RF CCQ köre,  mahkeme ükümini qabaatlanğan adamdan ve qorucidan ğayrı bu ükümnen aqları bozulğan insanğa de muracaat bermege mümkün. Muracaadını qabul ettiler, cinayet davanıñ episi malümatlarnen tanış olmağa qabul ettiler. Soçi mahkemesi ise haber etti ki, Polozov diñleyci olaraq qabul etile ve zaldaki nizamını bozsa, oñı çıqarmağa aqları bar.

Makeme ceryannıñ kelecek deviri - Krasnodar şeyernıñ ortaq yurisdiktsiyanıñ kasatsiya makemesi. Onıñ de qararı denişmesiz qalsa,  AİAM hatip etedejmiz.

“AİAM içün bu kelişken dava.  Strategiyamız çerçevisinde “er bir devirde bozuvlarını toplap qayd etüv”, biz çoq şey topladıq”,  - Polozov prokuror fikirini, qorucinınñ ğıyabiy ceryanına qabul etmesini misal olaraq ketire.

Malümat olaraq

• 2020 senesi martnıñ soñuna işğal “Rusiyenin Qırımdaki taqıtaq komiteti” qırımtatar milliy Meclisnin başına Refat Çubarovğa  ğıyabiy qabaatluv çıqardı. Rusiye Cinayet Qanunnamenin 212 maddesinin 1-ci qısımı (“kütleviy qanun bozuvlarnıñ” teşkil etüvi), 280.1 maddenin 2-ci qısımı ve 280.1 maddenin 1-ci qısımı (Rusiye territorial bütünligini bozğan areketlerine cmaatqa qarşı celp etüv) köre qabaatlandı.
• İyünnin 6-ne Aqmescit şeyernıñ işğal Yuqarı makemesi qırımtatar milliy Meclisnin başına Refat Çubarovğa  ğıyabiy yüküm çıqardı. Oñı  umumiy koloniyada 6 yıl apis cezasına, para cezasına ve 200 saatlıq içtimaiy  işlerine  makemeledi. Soñ maddenıñ yasağı sebebinden onı para cezasından ve içtimaiy işlerden azat ettiler.