İşğal prokuraturası Çubarovnı umumiy rejim koloniyada 9 yıllıq apis cezasına maküm etmege istey 

Любезна Катерина
·
10:34, 31 Oraqay
İşğal prokuraturası Çubarovnı umumiy rejim koloniyada 9 yıllıq apis cezasına maküm etmege istey 
Foto menbası: УНІАН

Qırımnıñ işğal prokuraturası Qırımnıñ “Yuqarı makemesinnen”qırımtatar  milliy başına, Refat Çubarovğa qarşı çıqarılğan ükümni şikâyet  etti. Prokuratura Çubarovğa umumiy rejim koloniyada 9 yıllıq apis cezasına maküm etmege istey .

Bunı oraq aynıñ 30 “Qırım.Realii” haber vastasına advokat Mıkola Polozov bildirtti.

Appelâtsiya şikâyetini “devlet qabaatlacısı” Diana Yevtuşenko imzaladı. O Meclis başına cezanını deniştirmek talap ete. Bu şikâyetini Soçi şeyernıñ üçinci umumiy yurisdiktsiyanıñ apellâtsiya makemesine yolladılar.

“Prokuratura aytqanına köre, üküm temelsiz yımşaq oldı.Prokuratura Çubarovqa qarşı çıqarılğan ükümnı yımşatqan çerçevilerini, yani Çubarov aqqında ortaqlarınnen berilgen pozitiv malümatlarını,  red etmege istey. Demek, prokuratura Çubarovnı umumiy rejim koloniyada 9 yıllıq apis cezasına maküm etmege talap ete”, - ayttı Polozov.

Malümat olaraq

  • İyünnin 1-ne Aqmescit şeyernıñ işğal Yuqarı makemesi qırımtatar milliy Meclisnin başına Refat Çubarovğa  ğıyabiy yüküm çıqardı.  Oñı  umumiy koloniyada 6 yıl apis cezasına, para cezasına ve içtimaiy  işlerine  makemeledi. Çubarovqa çıqarğan para cezanıñ cemisi 200 bergisiz grajdan kârlarnıñ asğarı,  içtimaiy işler ise 200 saat. Oñı 2014 senesi fevralnıñ 26-sına  Qırım parlamenti yanında olğan “kütleviy qanun bozuvlarnıñ” teşkil etüvine qabaatlaylar.