İşğal etilgen Qırımda Ahtem Seytablayev qırımtatar rejisernıñ anası öldı

Любезна Катерина
·
11:34, 30 Oraqay
İşğal etilgen Qırımda Ahtem Seytablayev qırımtatar rejisernıñ anası öldı
Foto menbası: facebook.com/Akhtem Shevket Oglu Seit-Abla

İşğal etilgen Qırımda ukrain ve qırımtatar rejisernıñ, kino ve teatr akternıñ, stsenariycinıñ Ahtem Seytablayevnıñ anası öldı. O 83 yaşında edi. 

Bunı Ahtem Seytablayev şahsiy Facebook saifesinde haber etti.

“Anam, sağlılaşmağa quveti yoq… Körüşkence… sevem, sevem, sevem”, - rejiset yazdı ve anasınen beraber olğan fotoresimini qoştı.

Qırımtatar milliy Meclisnin başı Refat Çubarov öz yazuvına ayttı ki, Subiye hanum Nalbandova oca, yazıcı, akter ve qırımtatar bala programmanıñ yetekçisı edi.  O 1938 senesi, mart ayında Qırımda doğuldı. 1944 senesi, mayıs ayında Subiyenıñ qorantasını sürgün ettiler. 

“1955 senesice Subiye hanumnıñ qorantası Mariy El Şuraviy Cumhuriyetinin mahsuzlanğan yerleşmesine yaşağan edi.  Anda episi, balalar de,  ağaçnıñ el azırlamasına çalışa ediler.  İşleri pek qıyın edi. 1955 senesi Nalbandovlar qorantası Tacikistanğan köçti. Subiye hanum yırlamağa aves edi, bu sebepten o qardaşınnen - kelecekte belli bestekâr - Edem Nalbatovnen yaratılğan taqımına iştiraq etmege başladı. Leninanabad şeyernıñ muzıkalı oquv yurtını bitirip, o Taşkent teatr institutına oqumağa kirdi”, - Çubarov yazdı.

Yarımadağa qadın 1990 senesi qayttı,  anda o Qırım medeniy oquv yurtına vokal ve stsenik nutuqnıñ derslerini al barmağa başladı. Eki yıldan soñ Seytablayeva qırımtatar tarihinde birinci olğan “Merabañız, balalar” adlı  bala teleprogrammasını yarattı. 

“Teleprogramma içün o episini özü azırlay  edi - qoqlalar tike edi, kadrda olarnı areket ete edi, filmilerini seslendire edi,  masallar ve şeyerler yaza edi, balalarını yayınğa azırlay edi. Neticede, programma belli oldı, Subiye hanunmı ise seyyerciler seve ediler, bir qaç nesiller bu programmalardan qırımtatar medeniyetinen tanış olıp, ana tilini ögrenmege başladılar”, - qoştı.

Qırımtatar milliy Meclisten ve öz adından Çubarov Ahtem Seystablayevqa, episi aqrabalarına ve ortaqlarına Subiye hanum Nalbandovanıñ ölümı sebebinden taziye bildirtti.

“Subiye hanum Nalbandova aqqında hatıralar daima qırımtatar halqında yaşacaqlar.  Allah rahmet eylesin!”, - Meclisni başı yazdı.


Menba: facebook.com/Akhtem Shevket Oglu Seit-Abla