Bunı Suspilne Qırımğa advokat  Edem Semedlâyev haber etti.

Aytqanına köre, oraq aynıñ 25, saat 17:25  Kezlev şeyernıñ mahkeme qararı ile Abdulla İbragimov azat etildi.Qanunğa köre, oñı memuriy sebebinden toqtatılğanlar odasına tutmağa mecbur ediler.  Lâkin qırımtatar adamı cinayet tevqıfhanesinde bulunğan edi. Bu rus qanunnamenıñ bozuvıdır. 

“Biz episi bir Kezlevdeki mahkemenen çıqarılğan ükümge razı degilmiz. Rusiyedeki mahkemelerinden adaletini irişmege olmasaq,  Avropa insan aqları mahkemesine hatip etecemiz”, - advokat ayttı.

Qanunsız makemelengen Abdulla İbragimov Suspilne Qırımğa ayttı ki, tevqıfhanede bulunğan adamlar apisnıñ sebebine şaştılar. Aytqana köre, qabaatluvnıñ aslında manası yoq.

“Tintüv devamında quvetçilernıñ  areketleri qaba ediler. Böyle qabaatluvını ne yüregim, ne de aqılım qabul etmey. Tapılğan repost cenkten zarar körgen Suriye halqana bağışlanğan edi. Bu taziyenin bildirüvi edi”, - İbragimov ayttı.

Abdullanıñ qaynanası - Berber Nasibe ayttı ki, kiyovı pek namuslı insandır.

“Doğrusını aytsam, şok etildim. Bu qarar ile o 2013 senesinde yerleşken yazı içün ceza çekti.  O namuslı grajdan ve yahşı insan. İç bir zaman birisinin canını ağırtmadı. Balaları oñı pek bekley ediler. Cezasınıñ devamı üç kün olsa de, çıqqanda balalarını qarşısını quvanıp çapqan ediler”, - ayttı.

Malümat olaraq

• İşğal etilgen Kezlevde tintüvten soñ toqtatılğan Abdulla İbragimov azatlıqqa çıqtı.
• Kezlevde işğalcılar oraq aynıñ 22 qırımtatarları Ali İbragimov (57 yaşında) ve onıñ oğlusı Mustafa İbragimovnıñ (27 yaşında)  evinde ve tükânında tintüv keçirdiler. "Quvetçiler" Ali Abdulla İbragimovnıñ üçünci oğlusını bellisiz bir yönelişte alıp çıqardılar. 
• Qayd etilgen aqiqatı boyunca muhtariyetteki qanuniy nizam organları, Ukraina CK 1 q. 162 m. boyunca cinaiy davanı açqanlar.
• Insan aqları boyunca yuqarı Şurasınıñ vazifedarı Lüdmila Denisova, oraq aynıñ 22 qırımtatarlarnıñ evlerinde (Ali İbragimov ve Mustafa İbragimovnıñ) keçirilgen sabalıq tintüvlerni tefsir etken. İlân etkeni kibi, Ukraina vatandaşlarnıñ evlerindeki tintüvler halqara qanunlarına uymayıp İnsan aqlarnıñ qoruvı aqqında şartnamesiniñ doğrudan doğru bozuluvı ola.
• 2015 senesi İbragimovlarnıñ işğal etilgen Kezlevdeki evinde spetsnaznıñ celp etüvi ile tintüvi keçken edi. O vaqıt “muhsus hızmetler” ev territoriyasında silâ ve patlayıcı maddelerni qıdıra ediler, amma bir şeyni tapmayıp çıqıp kettiler.