Bunıñ aqqında İçtimaiy Qırımnı “12-di kürsü” mezad eviniñ matbuat hızmetinde bildirdiler. Bu şeyler mezadqa nasıl oğradılar ve satuvdan evel kimge ait ediler dep cevap bermegenler, malümat, mahrem eken.

Evliya Lukanıñ torunınıñ qızı Tatyana Voyno-Yasenetskaya qayd etkeni kibi, şeylerniñ yarısını aile, müzeylerge alıp bergen. Onıñ sözlerine köre, mezaddaki şeylerniñ cedveli, qırım devri ve qırım yeparhiyasına ait edi. Olar, ya aile azalarına, ya yeparhiyada qala bile ediler. 

Tarihiy ilimler namzeti Sergey Gromenko, Luka elyazmalarnıñ alıcıları, olarnı alimlerge talil etmege izin bererler dep ümüt ete. 

“Eserlerniñ elyazmaları, Luka Voyno-Yasenetskiy, kelgen baqışlarğa nasıl yaqlaştı daa yahşı añlamağa izin bere. Olarnıñ fiyatı, 5-7 mln ruble olğanda, qıymeti de öse. Olarnı satın alğanlar, olarnı sandıqqa qoyıp qapatmayıp ilmiy cemiyetine bu elyazmalarnı talil etmege izin bererler dep ümüt etem. Çünki o, adiy bir ad degil, Voyno-Yasenetskiy aqqında bilgilerniñ elde etüvinde aqiqiy adımlarıdır”, -qayd etti o.

Advokat Aleksey Babel añlatqanı kibi, o şeyler RF territoriyasında 2014 senesiniñ uvut ayına qadar bulunıp evliya Lukanıñ soy-soplarınıñ mülkiyetinde olğan olsalar, uquqiy ceetinden iç bir mesele yoq. 

“Nasıl isteseler, öyle de yapa bileler. Ne Moskvada, ne başqa bir yerde olğan olsalar, iç bir farqı yoq”, - dedi o. 

UPK Qırım yeparhiyasınıñ mitropoliti Kliment, şeyler, evliyanıñ ailesine ait olğan ediler ve kilse, olarnı mezatta taqdim etmegen edi dep tüşüne.

“Evliya, er kesge diqqat ete edi. Kilsege hızmet bitken soñ birev kelgende, kilseden arttaki qapıdan çıqmay edi, kilseniñ ortasına kürsüge otura edi. Oturıp ise onıñ sözlerden ilk soyları böyle edi: “Soñ, dostlarım? Ketmeysiñizmi? Bir şeyler tarif etkenimni isteysiñizmi?”. Ve böyle ruhiy muzakeresini başlay ediler. Onıñ içün Aqmescitte insanlarnıñ çoqusı, evliyanı bilip seve edi”, - dedi Kliment.