Ukraina, Gürcistan, Moldova ve NATO ülkelerine Qara deñizdeki rusiye tecavuzına qarşı turuvına dair tekliflerni alıp bergen
Tışqı işler naziri Dmitriy Küleba, Rusiye Federatsiyası, Turla boyu, Gürcistan ve Ukrainada aynı sheması boyunca areket etkenini ilân etti. Onıñ içün, onıñ fikrine köre, Ukraina, Gürcistan ve Moldova öz quvetlerni birleştirip rusiye işğal niyetlerine qarşı beraberlikte çıqmaq kerekler.
Bunıñ aqqında o, Batumda “Uç ortaq” ülkeler liderlerniñ (Ukraina, Gürcistan ve Moldova) körüşüviniñ neticelerine köre aytqan.
“Qara deñizdeki ülkeler, NATO azalar, Ukraina, Gürcistan ve Moldova öz quvetlerni birleştirmeseler, Rusiye, Qara deñizni öz içindeki gölüne çevirilip onı yarımğa bölüp öz yerinde bütünley üküm sürecek. Bu mevzu, tünevin yahşıca muzakere etilgendir, yani Qara deñizdeki telükesizlik vaziyetini tegizlemek içün ne yapmaq kerek olğanı”, - bildirdi Küleba.
Nazir qayd etti ki, ülkeniñ muayyen ğayeler ve teklifler bar.
“Olarnı şimdi gürci, moldovalarnen ve bizge yaqın olğan Qara deñiz vilâyetteki NATO devlet azaları Rumuniya, Bulğaristan ve Türkiyenen muzakere etemiz”,-qayd etti o.
Bundan da ğayrı, TİN başı, “Uç ortaq” adını añlattı. Onıñ sözlerine köre, o, üç ülkeniñ “rusiye dünyasından” ve “ekâne halq” qavrayışlarından farqlanuvı.
“Rusiye Federatsiyasınen umumiy keçmişimiz kerçekten de bar edi, amma umumiy kelecegimiz başqa ülkelernen olacaq, Rusiyenen degil. Afsus ki, Rusiyege işançımız yoq. Onen munasebetlerimizni qurmalımız, çünki o, siyasiy aqiqatı olıp qala, öz telükesizligimiz aqqında qayğırmaq kerekmiz, amma Ukraina, Moldova ve Gürcistannıñ kelecegi Avropadadır. O, bağlayıcı bir elementidir, ilk sefer üç ülke, bunıñ aqqında Batumda ilân etip bu maqsadına beraberlikte areket etecek”, - ilân etti Küleba.
