AQŞ ve Almaniya Nord Stream 2 dair añlaşması aqqında yaqın künlerde ilân etecekler - Reuters
AQŞ prezidenti Co Bayden ve Almaniya kantsleri Angela Merkel keçken afta Vaşingtondaki körüşüvi vaqtında “2-ji Şimaliy aqımı” adlı rusiye gaz borusınen alâqalı añlaşamamazlıqlarını tertip etip olamağanlar, amma Moskvağa qomşularğa qarşı energetikasını silâ olaraq qullanmağa izin bermek mümkün olmağanınen razı oldılar. Yaqın künlerde “2-ci ŞA” dair olarnıñ çoqtan olğan davasınıñ tertip etilmesine dair añlaşması aqqında ilân etecekler.
Bunıñ aqqında añlaşmalarnen tanış olğan menbalarğa atıf etip Reuters agentligi haber etti.
“Bu muzakereler (gaz borusına dair eki taraf arasında olğan muzakereler) yaqın künlerde bir qararğa kelecegine ümüt etemiz”, - ilân etti menba.
Başqa haberdar degeni kibi, muzakere vaqtında taraflar, Nord Stream 2 AG gaz borusınıñ kompaniyasına qarşı AQŞ’nen lâğu etilgen sanktsiyalar yañıdan keri qaytmasıñlar dep imkân yaratacaq olğan añlaşmasına yaqın olalar.
Añlaşmanıñ esas qısımlardan biri, Ukrainanıñ energetik transformatsiyası , energetik semereligi ve energetik telükesizliginiñ destegine yöneliş tutqan eki ülkedeki yatırımlarnıñ arttırması olacağı aqqında belli.
Belli olğanı
- Boru qoyucı rusiye gemisi “Akademik Çerskiy”, Danimarka suvlarını terk etti, anda ise “2-ci Şimaliy aqımı” gaz borusını qura edi. Bundan soñ Almaniyanıñ istisnaiy iqtisadiy zonasına yol tutmağa başladı. Anda gemi, gaz borudaki ekinci sızığınıñ 2,6 kilometrli bölügini qoyacaq ola.
- Ukraina içün gaz borusınıñ quruvı- aydın olğan masraflarıdır. O, başqa ülkelernen ukrain akimiyetiniñ muzakerelerni mürekkepleştirecek, RF prezidenti Vladimir Pütin ise serbestlik duya. Böyle areketler, Ukrainanıñ bütün territoriyasınıñ zapt etüvine ketire bile. Bunıñ aqqında İçtimaiy Qırımnı siyasetçi Aleksandr Hara bildirdi.
- Ukraina rus gaz ağı “Şimaliy aqım -2” gaz tranit işletüvten zarırını ödegen tazminler aqqında muzakere etmege azır.
- İyunnin 1-ne Ukraina prezidenti Volodimir Zelenskiy “ŞA-2” leyhanıñ Rusiyenin siyasiy silâsı olğanını beyan etti. Beyanatına köre, o Ukrainanıñ ve Avropanıñ telükesizligine havf ete.
- Energetika Nazirlignin başnıñ mesleatçısı Lana Zerkal fikir ete ki, Ukraina, Volodimir Pütin “Şimaliy aqımnıñ-2” birinci qısımı azır ayqanına baqmayıp, “Şimaliy aqım-2” qurmasınıñ qarşı küreşini devam etmege mecbur.
- İyunnin 1-ne ABŞ Kongresi devamını cumhuriyetçiler “ŞA-2” qarşına acele sanktsiyalar qayd etmege talap ettiler.
- Mayısnıñ 21-ne Yuqarı Şura ABŞ Kongress Senatqa ve Vekiller Palatasına hatip qararını qayd etti. Bu qararda Ukraina ABŞnı sanktsiyalar ile Rusiyege “ŞA-2” işlettirtmege keder etmege rica etti.
