Pütin, Qırım ve Donbass ve Luansktan ğayrı daa ters areketlerniñ amelge keçirilmesi içün serbestlik duya - siyasetçi Nord Stream 2 quruvından aqibetleri aqqında
“2-ci Şimaliy aqımı”nıñ quruvı içün Almaniya suvlarına “Akademik Çerskiy” rusiye boru qoyucı gemisini yolladılar. Ukraina içün gaz borusınıñ quruvı- aydın olğan masraflarıdır. O, başqa ülkelernen ukrain akimiyetiniñ muzakerelerni mürekkepleştirecek, RF prezidenti Vladimir Pütin ise serbestlik duya. Böyle areketler, Ukrainanıñ bütün territoriyasınıñ zapt etüvine ketire bile.
Bunıñ aqqında İçtimaiy Qırımnı siyasetçi Aleksandr Hara bildirdi.
Onıñ sözlerine köre, gaz naqliyat sistemasındaki ukrain gaz almaşuvınıñ bar oluvı, RF’nen gaznıñ eñ yahşı fiyatı içün bazarlıq etmege fırsat bere edi, amma şimdi olar, aqımlarnı em birinci, em ekinci şimaliy aqımı boyunca aqımlarnı deñiştire bileler.
“Ukrain akimiyeti içün muzakerelerni keçirmege daa qıyın olacaq, em de bücetimiz, paranıñ büyük miqdarını coyar. Pütin, Qırım ve Donbass ve Luansktan ğayrı daa ters areketlerniñ amelge keçirilmesi içün serbestlik duya. Yani, keñ mıqyaslı kompaniyasınen Ukrainağa kirip onıñ bütün territoriyasını zapt etmege tırışa bile”,- dedi Hara.
Belli olğanı
- Boru qoyucı rusiye gemisi “Akademik Çerskiy”, Danimarka suvlarını terk etti, anda ise “2-ci Şimaliy aqımı” gaz borusını qura edi. Bundan soñ Almaniyanıñ istisnaiy iqtisadiy zonasına yol tutmağa başladı. Anda gemi, gaz borudaki ekinci sızığınıñ 2,6 kilometrli bölügini qoyacaq ola.