Kiyevde, Yesipenkonıñ davasınen beraber işğal etilgen Qırımda insan aqlarnıñ bozuluvınıñ talilini taqdim etecekler
Arman aynıñ 22 “Qırım tatar resur merkezi” (QRM), 2021 senesiniñ ilk yarısı devamında işğal etilgen Qırımda olıp keçken insan aqlarnıñ bozuluvınıñ talilini taqdim etecek, ayrıca, işğal quvetçilernen işkencelerge oğratılğan “Azatlıq Radiosınıñ” tevqif etilgen jurnalisti Vladislav Yesipenkonıñ cinaiy davasını ayırıp qayd etecekler.
Bunıñ aqqında “Qırım. İqiqatına” QRM’de haber ettiler.
Talil, esabat devri içinde esas meyiller, dinamika ve yarımadadaki bozuluvlarnıñ miqdarınıñ açıluvını közde tuta. Böyleliknen, matbuat konferentsiyasında Qırım akimiyetiniñ 2021 senesiniñ 6 ay içinde yapılğan qanunsız areketler, yaşayış, azatlıq, telükesizlik ve şahsiy tiyilmemezlik bozuluvları (tintüvler, tevqif etüvler, sorğular ve ilâhre), esas serbestliklerniñ bozuluvınıñ (adliye makemesine, beden ve ruhiy sağlığınıñ eñ yüksek irişimli seviyesine aqnıñ bozuluvı) talili taqdim etilecektir.
Tafsilâtlıca oquñız: Yuqarı Şura Qırım.Realii frilans hadimini Vladislav Yesipenkonı azat etmege çağırttı
Daa Merkez, din, qadın, siyasiy mabuslarnıñ aqlarnıñ bozuluvları, taqiqat tevqifhanesindeki bir şeyge keçmegen tutuv şaraitler,Qırımdaki qanunsız arbiy oqutuvlar ve yarımadadaki ekologiyanıñ alı aqqında tafsilâtlıca tarif eter.
Tedbirde Vladislav Yesipenkonıñ ömür arqadaşı Yekaterina bulunacaq.
“Vladislavnıñ misaline esaslanıp Qırımda insan aqlarnıñ bozuluvları aqqında aytacağım. Qanunğa zıt olğan areketler aqqında malümatnı nezaret etip qayd etmelimiz”,- ilân etti.
Daa talilni QRM idare başı ve qırımtatar halqnıñ Meclis azası Eskender Bariyev ve Merkezniñ uzlaşuv meneceri Tatyana Podvornâk taqdim etecekler.
Belli olğanı
- Aqmescitteki işğal rayon makemesinde oraq aynıñ 15 Qıırmda RF FTH’nen tevqif etilgen Azatlıq Radiosınıñ jurnalisti Vladislav Yesipenkoğa dair cinaiy davasında oturışı ötkerildi.
- Oraq aynıñ 16 Ukraina TİN, işğal etilgen Qırımda jurnalist Vladislav Yesipenko üzerinde qanunsız makeme ceryanına qarşı narazılıq bildirdi.
- Ukraina TİN ATOT hadimine Yesipenko davası aqqında malümat berdiler.
- Aqmesjitteki işğal rayon makemesi, Azatlıq Radiosınıñ (Qırım.Aqiqat leyhası) frilanseri Vladislav Yesipenkonıñ tevqifini daa 6 ayğa uzattı.
- 2021 senesi saban ayınıñ 16-nda Qırımda FSB tarafından ükrin yaqalanıldı. Soñra, bu Azatlıq Radiosınıñ jurnalisti olğanı belli oldı.Vladislav Yevsipenko, Rusiye Cinaiy kodeksiniñ 223-1 m. 1 q. (nariye silâsınıñ qanunsız tarzda işlep çıqaruvı, işlevi ve tamir etüvi ve arbiy yedeklerniñ qanunsız tarzda işlep çıqaruvı) köre mahküm eteler.
