Ceppar Ukraina TİN Qırım boyunca esas vazifesi ne olğanını ayttı
Ukraina Tış işler nazirliginiñ birinci muavini Emine Cepparnıñ fikrince, Ukraina TİN birinci ve esas vazifesi - Qırım mevzusında muzakerelerni halqara seviyege çıqarmaqtır.
Bu aqta, o, “50%” malümat agentligine bildirdi.
O, qayd etti ki, şimdiki vaqıtta işğal etilgen Qırımda öyle bir şarait, ukrain tarafdarları anda yaşap olamay, şunıñ içün olar ya da susmaq kerekler, ya da köçip ketmek.
“Rusiyeliler ise türlü devlet programmaları vastasınen Qırımnıñ demografik vaziyetini deñiştirecek olalar - biñlerce adamlar Rusiyeden Qırımğa köçip kele”, - dedi Ceppar.
Emine Cepparnıñ aytqanına köre, TİN içün ortaqlarğa Qırım mevzusı bu içki mesele ve tek Ukraina telükesiziligine ait olmağanı aqqında bildirmege müimdir. RF Qara deñizdeki areketleri - bu tecavuznıñ bir türüdir ve o bir çoq memleketke aittir.
“Şunıñ içün, Qırım meselesini yüksek halqara seviyesine çıqaracaq bir formatnıñ kerekligi aqqında aytamız. Çünki Donbassqa kelgende, “Normadiya formatı”, “Minsk añlaşmaları” bar. Men şimdi semereli ya da semeresiz olğanı aqqında aytmayım, yalıñız bu mevzunıñ halqara kün tertibinde olğan formatlar aqqında aytam”, - dedi nazir muavini.
Malümat olaraq
- Kiraz ayınıñ 10-nda nazirler kabineti Emine Cepparnı Ukraina Tış işler naziriligi reberiniñ birinci muavini olaraq tayin etti. O, Qırı ile bağlı meselelernen oğraşacaq.
- Dmıtro Küleba, Emine Ceppar Ukraina Tış işler nazirliginde qırımtatar halqınıñ ilk temsilcisi olacağını qayd etken edi.
- Ukraina Tış işler naziriniñ birinci muavini Emine Ceppar Ukrainada Yaponiya elçisi Kurai Takaşi ile körüşüv vaqtında, işğal etilgen Qırım meselesiniñ halqara seviyesinde muzakerelerini faalleştirmege niyeti olğanını bildiridi.
