Putin ve Poroşenko 2014 senesi kiraz ayınıñ 12-nde bir-birine beyanat yollamadı, - Peskov
2014 senesi kiraz ayınıñ 12-nde Rusiye künü munasebeti ile RF ve Ukraina prezidentleri Vladimir Putin ve Petro Poroşenko bir-birine iç bir beyanat yollamadı.
Bu aqta Rusiye prezidentiniñ matbuat kâtibi Dmitriy Peskov bildirdi.
“Bu vaqianı tasdıqlap olamayım. Böyle milliy bayramlarda qayd etilmek kerek olğan hayırlavlar olmadı. Yazıq ki, şimdi de olmay”, - dedi o.
Bundan ğayrı, Peskovdan evel yayınlanğan 2015 senesi çiçek ayınıñ 30-nda Putin ve Poroşenko arasında olıp keçken telefon qonuşmanıñ kerçekligini tasdıqlağanı istenildi.
“Birincide. Matbuat hızmeti bildirgen malümattan ğayrı, prezidentimizniñ çetel subetdeşlerinen qonuşmalarınıñ tafsilâtlarını bildirmeyik. Ekincide. Yayınlanğan yazuvğa kelgende, böyle bir qonuşma oldımı, olmadımı bilmeyim, şunıñ içün bu yazuv kerçekmi, yoqmı bunı da aytıp olamayım”, - dedi Peskov.
Malümat olaraq
- Ukraina Yuqarı Radasınıñ millet vekili Andrey Derkaç Kıyivde matbuat konferentsiyası vaqtında, Putin ve Poroşenkonıñ seslerinen bir telefon qonuşmanıñ yazuvını kösterdi.