Bu aqta ABC İspaniya neşri haber etti. 

Gemiler arbiy deñiz manövrlarında iştirak etecek. Soñra Odesa ukrain şeerini ziyaret etecekler. 

İspaniya flotunıñ kapitanı Manuel Agirreniñ aytqanına köre, talimler NATO-nıñ mesüliyet mıntaqalarında arbiy deñiz quvetleri vastasınen deñiz strategiyasınıñ maqsatlarına irişmege yardım etecek. 

“Ekinci daimiy arbiy deñiz gruppası, NATO-nıñ dört daimiy arbiy deñiz gruppasından biridir - eki SNMG ve eki SNMCMG gemi. Olar deñizde ağır vaziyet olğanda birinci cevap berecekler”, - dedi o. 

Kiraz ayınıñ 30-nda İspaniya Aq deñizde NATO quvetleriniñ SNMG-2 arbiy deñiz gruppasınıñ başına keçti. 

Haber etilgenine köre,  SNMG-2 gruppası Aq ve Qara deñizde teşkil etilecek bir qaç talimde iştirak etecek ola. 

Qara deñizde Sea Breeze talimlerinde Türkiye-Romaniya fregatları ve Frenktistan neft tankeriniñ iştiragi beklenile. 

Malümat olarq

• İşğal etilgen Qırımda, uçuş taktik talimleri çerçivesinde arbiyler, Su-30SM qırıcı uçaqlar ve Su-24M bombardıman uçaqlarnıñ erkânları avada  yaqıt qoyuv uçağı yardımınen yaqıt ikmali yaptılar. 
• Ukraian Silâ quvetleriniñ Birleşken Quvetleri komandanı Sergey Nayev şimdiki vaqıtta işğal etilgen Qırımda 32,5 biñ rus arbiy hadimi bar, dep ayttı. 
• 2020-nci senesi, er yıl keçirilgen “Kavkaz-2020” Rusiye Silâlı quvetleriniñ strategik taqım-ştab talimleri işğal etilgen Qırımda ve Ukraina ile sıñır yanında keçirilecek. Bu aqta Ukrniformda, “Kavkaz-2020” Rusiye Silâlı quvetleriniñ strategik taqım-ştab talimleri mevzusında olıp keçken onlayn brifing vaqtında Ukraina Mudafaa nzirliginiñ Baş istihbarat idaresiniñ temsilcisi Vadım Skibitskıy bildirdi. 
• İşğal etilgen Qırımda Rusiye Qara deñiz flotunıñ ordu korpusınıñ bölükleri ile eki taraflı batalyon-taktik talim başladı.
• İşğal etilgen Qırımda Opuk poligonda Rusiye arbiyleri  deñiz nişanlarına raketa atışlarını keçirdi. Bu aqta Rusiyeniñ işğal Qara deñiz flotu bildirdi. 
• Rusiye işğal etilgen Qırımda cenübiy arbiy okrugı aviatsiyası ve Qara deñiz flotunıñ deñiz aviatsiyası iştiraginen qanunsız talimler keçirdi.