Bunıñ aqqında Daniyada Ukraina elçiliginiñ Facebook saifesindeki beyanatında denile. 

“İhtimal ki, 2021 senesi kiraz aynıñ 21 bazarertesindeki gecesinde Daniya-Rusiye futbol matçnıñ arfesinde ukrain deası Taras Grigoryeviç Şevçenkoğa Köpengagendeki abidesi pislendirilgen edi. Büyük Kobzarı rusiye üç rengine boyalınğan edi, eykelniñ üstünde ise rusiye propagandasınıñ belli olğan elementlerni körmek mümkün edi”,-denile beyanatta.

Daa elçilik, bu vandallıq areketini Ukrainağa qarşı qızıştıruvı kibi  adlap onı mahküm etti. 

“Bu ayıp vaqiası, Ukrainağa qarşı rusiye tecavuzı aqiqiy olğanını medeniy dünyasına nevbetteki sefer köstere. Ukrainada iç bir “grajdan” cenki yoq, dünyanıñ er köşesinde er ukraini içün muqaddes olğan er şeyni taqip etken Kremlniñ cinaiy areketleri bar”,-qayd ettiler elçilikte. 

“Daniyanıñ uquq qoruyıcı organlarına deral tahqiq etüvini başlap qabaatlı olğanlarnı cezalandırmağa muracaat etemiz”,-ilân ettiler diplomatik vekâlethanesinde.