Bunıñ aqqında “Rusiye qullanuv nezaretiniñ vilâyetara idaresiniñ başı degeni” Natalya Penkovskaya haber etti, bildireler işğal KHV. 

“Bugun deñizde yuvunmağa yasaq. “Rusiye qullanuv nezareti” laboratoriyalarnen  holerağa deñiz suvlar qısımlarnıñ seçüv miqdarı çoqlaştırğan edi. İçekler yuqunçlarnen epidemik ağırlaşuvlarnıñ şiddetli inkişafından qorkamız”,-qayd etti Penkovska.

Onıñ sözlerine köre, Qırımnıñ işğal Sağlıq nazirligi ile epidemik vaziyetiniñ kerginleşmesinde içekler infektsiyalarnen hastalarnıñ marşrutizatsiya meseleleri çezilgenler.

Belli olğanı

• RF Mudafaa nazirliginiñ başı Sergey Şoygu, işğal etilgen Qırımda rusiye arbiylerniñ zümrelerni çoğaltmağa emir etken. Arbiyler, tufanda zarar körgenlerine yardım etecek ekenler.
• İşğal etilgen Qırımda  Qırımnıñ şarqında ve Büyük Yaltada ufan-tufan zonalardan küçlü yağanaqlar sebebinden 1773 insan tahliye etildi, olarnıñ arasında 321 bala edi.
• İşğal etilgen Yaltada iyunnin 18-ne Uçansuv özeni altı saatlıq devamlı sağanaqlardan soñ yalılarından taştı. Şeyerde bir ay yağanaqlar qararı tuştı.  Ükümet, ”fevquale vaziyet rejimni kirsetti. Yaltadaki merkeziy soqaqlarında ve 10-ci mikrorayonda suv basma sebebinden yarıqnı sondürdiler.