Ukraina ve Büyük Britaniya, arbiy gemilerniñ umumiy qurucılığı aqqında añlaştılar

Присяжнюк Владислава
·
10:16, 22 Kirazay
Ukraina ve Büyük Britaniya, arbiy gemilerniñ umumiy qurucılığı aqqında añlaştılar
Foto menbası: Міноборони України

Büyük Britaniyadaki mudafaa satın almaları meseleleri boyunca naziri Cerem Kvin ve Ukraina Mudafaa nazir muavini Aleksandr Mironük, Qoşma Qırallığı ve Ukraina ADQ sanayı arasında deñiz ortaqlıq leyhalarnıñ eda etilmesi aqqında memorandumnı imzaladılar.

Bunı, Ukraina Mudafaa nazirliginiñ matbuat hızmeti bildire

Qayd etile ki, vesiqanı, Odessada HMS Defender britaniyalı raketa taşıyıcınıñ kenarında imzaladılar. 

Memorandum, Ukrainada ve Büyük Britaniyada arbiy gemilerniñ ve Ukraina ADQ eki bazanıñ qurucılığını köz ögünde tuta.

“O, Qara ve Azaq deñizlerde daimiy telükesizligine rastkelgen ukrain bahriyesiniñ quvetleştirilmesi içün Ukraina ve Qoşma Qırallığı arasında eki taraflama işdeşliginiñ inkişafında daa bir adımıdır”,-denile beyanatta. 

Belli olğanı

  • Odessa limanına kiraz aynıñ 18 NATO’nıñ eki gemisi kirgen- Büyük Britaniyadaki ADQ ve Felemenktaki ADQ gemileri. 
  • Kiraz aynıñ 14 bu gemiler Qara deñizge kirip evelki künlerde kelgen gemisine qoşuldılar. Gemilerniñ er yıllıq “Si Briz” yürüşlerde iştirak etilecegi beklenile. 
  • Rusiye, Qara deñizde Qara deñiz yanılı olmağan gemilerniñ, ayrıca NATO ülke azalarındaki soylarınıñ ziyaretlerine qarşı çıqa. Böyle munasebetiniñ küçü, 2014 seneden itibaren, Rusiye, Qırımnı işğl etken soñ artqan.