İşğal etilgen Qırım ve Aqyar şeerinde 17 yañı koronavirus hastası qayd etildi

Глянько Катерина
·
11:38, 10 Oraqay
İşğal etilgen Qırım ve Aqyar şeerinde 17 yañı koronavirus hastası qayd etildi
Foto menbası: Рівненські новини

Oraq ayınıñ 9-nde Qırımda 16, Aqyarda 1 yañı COVID-19 hastası qayd etildi. 

Bu aqta öz Facebook saifesinde işğal etilgen Qırımnıñ başı Sergey Aksönov haber etti

Onıñ malümatına köre, 8 hasta qırğılıq ile küreş tedbirleri, 2 hasta sağlam insanlarnıñ skriningi,  5 kişi tibbiy yardım içün muracaat etkende ve 1 çetelden kelgen kişide qayd etildi. Hastalar hastahanege alındı, alâqada olğanlar belli, olarğa qarşı profilaktika tedbirleri keçirile.

İşğal etilgen Qırımnıñ Sağlıq saqlav nazirliginiñ malümatına köre ekimlerniñ nezareti astında bulunğanlarğa   daa 523 kişi qoşuddı, daimiy nezaret astında olğanlarğa 352,  statsionarlarda olğanlarğa 31, observatorlarda olğanlarğa 140. 

Soñki kün içinde hastahaneden 212, statsionardan 14, observatordan 59 kişi çıqarılğan. 

Aqyarnıñ işğalci ükümeti bildirgenine köre şeerde 1 yañı koronavirus hastası qayd etilgen. 

Malümat olaraq

  • Qırğınlıq başlanğanından berli işğal etilgen Qırımda 831 hasta qaydğa alındı, 635 - tedaviylendi.
  • Yerli başlıqlarnıñ malümatına köre, 39 çetelden keldi, 95 qomşu Rusiyeden kelgenler ve olarnen alâqada olğanlar. 596 tedaviylendi. 
  • 4 376 kişi ekimlerniñ nezareti astında buluna, daimiy nezayeret astında 3 208, statsionarlarda 338, observatorlarda 830. 
  • Aqyarda 258 insan yañı koronavirus yuqunçına oğradı. 200 insan tedaviylendi, 5 kişi öldi.
  • Pandemiya başlanğan vaqıttan berli  Ukrainada 52 043 hasta qayd etildi, 24 800 tedaviylendi,  1 345 elâk oldı.