Bunıñ aqqında  AŞPA saytında haber etile.

Qayd etile ki, qararnı İslandiya murahasslarnıñ vekili Sunna Torhildur teklif etti. Vesiqada, Qırımda işğaller ile qırımtatarlarnıñ aqlarnıñ bozuluvları, olarnıñ taqip etüvleri  ve gumanitar aqnıñ başqa bozuluvları aqqında bildirile.

Qararda Rusiyeni böyle talaplarnıñ eda etilmesine çağıralar:

• Qırımnıñ qanunsız işğalini lâğu etmek;
• işğalini tenqit etken siyasiy faallerniñ ğayip etüvlernen ölümlerniñ tam ve açıq tahqiq etüvini keçirmek;
• mustaqil KHV’nı qapatmağa qorqutuvlardan ve  basqıdan vazgeçip ATR qırımtatar telekanalınıñ işini qaytarmaq;
• qırımtatar müessiselerine ve teşkilâtlarına basqıdan ve taqip etüvlerni toqtatmaq;
• qırımtatarlarnıñ milliy yetekçesi Mustafa Cemilev ve qırımtatarlarnıñ Meclis başı Refat Çubarovğa Qırımğa qaytmağa ve  olarğa memuriy sıñırını serbset tarzda keçmege izin bermek;
• qırımtatarlarnıñ ve ukrainlerniñ aqlarınıñ riayet etüvini temin etmek.

Halq deputatı Yevgeniya Kravçuknıñ sözlerine köre, ukrain vekilleri içün qararnıñ baquvı başqa vaqıtqa qaldırılmasıñ dep  pek müim edi. 

“Mevzunıñ qaytuvı-müim bir ğalebedir, çünki Qırımdaki işğal akimiyetiniñ tarafından qırımtatarlarnıñ aqlarınıñ bozuluvları ale daa sürmekteler, adamlarnıñ imaye etilmesine ihtiyacı bar”,-yazdı Kravçuk, ukrain vekilleri rusiye tarafından qarşı çıquvını beklegenini qayd etip. 

Belli olğanı

• BHT General kâtibnin işğal etilgen Qırımdaki insan aqlar vaziyeti aqqında nevbetteki maruza neşir etildi.