Bildirüv, bazarertesi künü, Avropa Şurasınıñ saytında yayınlandırılğan.

“AB nazirler şurası, bugün, Rusiye Federatsiyası ile Qırımnen Aqyarnıñ qanunsız işğali içün kirsetilgen sanktsiyalarnı 2023 senesi kiraz aynıñ 23 qadar devam etmege qararını qabul etken. Şimdi amelge keçirilgen sıñırlama tedbirler AB’ne Qırım ve Aqyardan kelgen mallarnıñ ital etüvine, astâpı ya da maliyeviy yatırımlarına ve Qırımda ve Aqyarda turistik hızmetlerine yasaqlardan ibaret olalar. Qırım kompaniyalarnen ayrı mallarnıñ ve tehnologiyalarnıñ ihracı ya da Qırımda naqliyat, ulaşuv ve energetika, ya da istihbarat içün, cermay, gaz ya da mineral resurslarnıñ işlep çıqaruvı da AB tarafından sınırlamalarnıñ qısmı olalar”,-denile beyanatta. 

Qararda şusı qayd etile ki, AB, Rusiye Federatsiyasınen Qırımnıñ ve Aqyarnıñ qanunsız işğalini tanımayıp, halqara qanunınıñ bu bozuluvını 2020 senesi saban aynıñ 16-dan itibaren AB adından halqara işler ve telükesizlik siyaseti boyunca AB Yuqarı vekiliniñ beyannamesine binayen mahküm etmege devam  ete. 

Belli olğanı

• AB, Ukrainanıñ territorial bütünligini yıqmağı aselet yapılğan ıntıluvlar içün sanktsiyalarnıñ umumiy paketini 2014 senesi kiraz ayında amelge keçirgen. AB, Ukrainanıñ territorial bütünliginiñ bozuluvı içün Rusiyege de qarşı sektorlı iqtisadiy ve şahsiy sanktsiyalarnı qullana.