İşğalciler Qırımda ufan-tufan zonalardan 1773 insannı tahliye etti
İşğal etilgen Qırımda Qırımnıñ şarqında ve Büyük Yaltada ufan-tufan zonalardan küçlü yağanaqlar sebebinden 1773 insan tahliye etildi, olar arasında 321 bala edi.
Bunı Qırımnıñ FVN idaresi haber etti.
“Olar içün 6 dane vaqıtace yerleşüv noqtalarını musafirhaneler bazalarına yarattılarü Ufan-tufandan zarar körgen halqqa bütün kün yardım etileyü Mesken ve yaşagan yerlerden ve mağazlardan suv pompalana ve temizlene. Özen başları, kanalizatsiyaları ve suv çekmesinleri temizlene”, - haberde aytıla.
İşğalidarenin malümatlarına köre, 16-18 iyünden Qırımda 426 mesken territoriyalarını suv bastı, olardan 365 ev ve 18 içtimaiy manala obyektler. Şimdiki vaqıtında Keriç, Kefe, Yalta, Yedi Qoyu, İslâm-Terek ve içki rayonlarda 38 ev territoroiyası suv tübüne qala.
Malümat olaraq
- İşğal etilgen Yaltada iyunnin 18-ne Uçansuv özeni altı saatlıq devamlı sağanaqlardan soñ yalılarından taştı. Şeyerde bir ay yağanaqlar qararı tuştı. Ükümet ”fevquale vaziyet rejimni qayd etti. Yaltadaki merkeziy soqaqlarında ve 10-ci mikrorayonda suv basma sebebinden vaqıtace yarığını soñdurdıler. Daa bütün şeyerde suvnı sondurdıler. Afan-tufan sebebinden 18 insan yaralandı, bir qadın habersiz ğayip oldı, bir insan öldi.
- İşğal etilgen Qırımnıñ bozğun avası kelecek aftanıñ başına tuzetelecek - sinoptik.
- Küçlü sağanaqlar sebebinden iyunnin 17 Keriç şeyerini, işğal etilgen yarımada şarqnıñ ve Qarusuvbazar qasabanıñ köylerini suv bastı. Keriçte şeyer hastahanesini ve evlerini suv bastı. İnsanlarını tahliye eteler. Fevquale vaziyet ilân etildi.