Bunı 1+1 telkanalınıñ yayınında Ukraina Milliy telükesizlik ve mudafaa şurasınıñ kâtibi Oleksiy Danilov ayttı. 

“Sanayı içün suv olmağanı bu başqa meseledir. Mevamımız böyle: anda ukrain sanayısı, Ukraina özü olğanda - o vaqıt mıtlaqa ukrain suvu da olacaq”, - dedi Danilov.

Danilov qayd etti ki, Qırım işğal altında olğance, Ukraina suv berip, işğalcilerge ordusını inkişaf ettirmege yardım etmeycek. 

“Qırım işğal altında olğance, keri Ukrainağa qaytarılmağance, işğalcilerge Silâlı qvetlerini inkişaf etmek içün anda suv bermege aqqımız yoq. Qırımnıñ ealisi 100 faiz içimli suvnen temin etilgen”, - dedi kâtip. 

Malümat olaraq

• Eñ yaqın suv anbarlarınıñ yedeklerinden işğal etilgen Aqmescit içün suv 110 künge qalğan. 
• Oraq ayınıñ 9-nda Herson şeer şurasnıñ sessiyasında millet vekilleri Ukraina prezidenti Volodımır Zelenskıy, Yuqarı Radası ve Baş naziri adına işğal etilgen Qırımğa suv berilüviniñ qabul etilmemezligi aqqındaki arizağa rey berdiler. 
• Qırımnıñ işğal başı Sergey Aksönov aqımdaki seneni, 150 yıl içinde yarımadanıñ eñ qurğaq yılı, dep adlandırdı. Yağanaqlar olmağanı sebebinden eñ kergin vaziyet Aqmescittedir.