2015 Avropa Çempionatınıñ altın medalleri ukrain biatloncılarına berildi
17:38, 09 Oraqay
Foto menbası: Zik.ua
Rusiyeliler doping sebebinden diskvalifikatsiya olunğanı içün 2015 Avropa Çempionatınıñ altın medalleri ukrain biatloncıları Dmitro Pidruçniy, Artem Tişçenko, Sergiy Semenov ve Artem Primağa berildi.
Bu aqta öz Instagram saifesinde taqımnıñ kapitanı Dmıtro Pidruçnıy yazdı.
“IBU-dan yollanma keldi. 2015 AÇ. Aqlı altın medal, RF taqımı diskvalifikatsiya etildi”, - yazdı o.
2015 senesi ukrainler Avropa Çempionatında 2-nci yer qazandı. RF taqımı 14,2 saniye ögde edi. Amma Rusiye biatloncısı Aleksandr Peçonkin doping qullanğanı sebebinden Rusiye taqımını ğalebeden marut ettiler.
Malümat olaraq
- Ukrain biatloncıları 2020 Avropa Çempionatında adiy qarışıq estafeta yarışında altın medal qazandı.
- Aleksandr Peçonkin doping qullanğanı içün 2013 Universiada çempionı ve 2015 Avropa çempionı unvanlarından marum etildi.
