Bu aqta oraq ayınıñ 9-nda Ukrinform agentliginde olıp keçken “Qırım kütleviy haber vastalarında” adlı tögerek masa vaqtında Qırım aq-uquq qoruyıcı gruppasınıñ temsilcileri haber etti. 

ZMINA, Qırım aq-uquq qoruyıcı gruppası Qırım Muhtar Cumhuriyetinde Ukraina prezidentiniñ temsilciliginen beraberlikte media içün “Qırım işğal köntekstinde” qullanmanı azırlap, taqdim ettiler. 

Aq-uquq qoruyıcılarnıñ aytqanına köre, jurnalistler işğal etilgen yarımadada malümat toplamağa, işançlı menbalarnen ve doğru ıstılaat qullanmağa devam etmek kerekler ve bu pek müidir. 

“Pek çoq ukrain Qırımdaki vaqialar aqqında tek haber vastalarından bile. Şunıñ içün jurnalistler tarafından Qırımnıñ işğalinen bağlı vaqilarnıñ doğru kösterilmesi pek müimdir”, - dedi Olga Skrıpnik. 

İnsan aqları merkeziniñ başı Tatyana Peçonçikniñ fikrince, ukrain mediaları Qırımdan eksklüziv malümatnı köstermege devam etmek kerek, eger de başqa birisinden malümat alınğan kibi olsa, onı yahşı etip teşkermek kerek. 

“Yazıq ki, amma Qırım mevzusı sahtiy olıp kete, şunıñ içün keyfiyetli malümatnıñ elde etilmesi pek müimdir. İşğal köntekstinde jurnalistler tarafından hatalar çoq olğanını köremiz”, - dedi o.

Qırım MC Ukraina prezidentiniñ daimiy temsilcisiniñ muavini Darya Sviridovanıñ aytqanına köre, böyle bir qullanıqullanmanıñ azırlanılması diger ükümet organları ve jurnalistlernen muzakerelerden soñ peyda oldı. 

“Qullanmada eñ çoq berilgen suallerge cevap bermege ya da Qırım yarımadsınıñ muvaqqat işğali köntekstinde sahteliklerni yoq etmege tırıştıq“, - dedi Sviridova. 

Qullanmada, “Qırım ilhaqı” yerine “işğal” ıstılası qullanmaq kerek olğanı, işğal etilgen Qırımdaki “ukümet organlarını” nasıl etip doğru adlandırılmaq kerek olğanı, ukrain ve çetel jurnalistleri qanun esasında Qırımğa nasıl etip kirip olğanları  aqqında yazıla. 

Malümat olaraq

• Ukrainada “Qırım- bu Ukraina” internent leyhası taqdim etildi. Taqdim etüv tedbiri kiraz ayınıñ Ukrain buhran media merkezinde olıp keçti. Leyhanıñ yapıluvında Ukrainanıñ 7 Devlet arhivi iştirak etti: Herson, Dnipro, Sumı, Zaporijjâ, Jıtomır, Ternopil ve Poltva viletleriniñ. 
• Memurlar, vaqtınca işğal etilgen topraqlardaki insanlarnıñ meselelerini çezmege yardım etecek bir umumiy vesiqa taqdim etti: “Qırım MC ve Aqyar şeeriniñ muvaqqat işğali içün devlet siyasetiniñ aktual oriyentirleri”.