Ukraina nazirler kabineti, qırımtatarlar içün evlerniñ qurucılığı aqqında Türkiyenen muqavelesine dair qanun leyhasını qabul etti
17:17, 09 Kirazay
Foto menbası: UA.NEWS
Ukraina nazirler kabineti, kiraz aynıñ 9, qırımtatarlar, içinden köçürilgen şahıslar, birleştirilgen quvetler ameliyatınıñ işirakçılarına evniñ qurucılığı boyunca Türkiyenen muqaveleniñ tasdıqlavı aqqında qanun leyhasını tayin etti.
Bunı Nazirler kabinetiniñ matbuat hızmeti bildire.
Qayd etilgeni kibi, vesiqa, 450 daireniñ qırımtatar halqnıñ vekillerine alıp berilmesini köz ögünde tuta, qalğan 50 ise içinden köçürilgen şahıslarğa ve ATO/OSS iştirakçılarına berilecek. Nazirler kabinetinen imzalandırılğan vesiqası, Ukraina Yuqarı Şurasınıñ tasdıq etüvine yollandırılğan.
Belli olğanı
- Çiçek ayınıñ 10-nda Ukraina prezidenti Volodımır Zelenskıy Türkiye prezidenti Recep Tayip Erdoğannen körüşti. Taraflar Donbas ve işğal etilgen Qırımdaki vaziyetni muzakere ettiler.
- Çiçek ayınıñ 10-nda Ukraina ve Türkiye Ukraina prezidentniiñ Türkiyege ziyareti çerçivesinde qırımtatarlar içün evler quruluvı aqqında ükümetlerara añlaşmanı imzaladılar.
