Makeme, “Ukrain seçüvi”ndeki “qırım davasınıñ” eki reberiniñ makemeden evel tahqiqatını ğıyaben keçirmege izin berdi
Makeme, Qırımdaki “Ukrain seçüvi” grajdan areketiniñ eki reberiniñ devlet hainligi ve Ukrainanıterritorial bütünligine qast etüvi aqqında davanıñ makemeden evel tahqiq etüviniñ keçirilmesine izin berdi.
Bunıñ aqqında Qırım MC prokuraturasınıñ matbuat hızmeti bildire.
“Kiyev ş. Peçersk rayon makemesi, vaqtınca işğal etilgen Qırım MC ve Aqyar şeeriniñ territoriyasında qanunsız “ referendumınıñ” azırlanuvında ve keçirilmesinde şübelengen Qırımdaki “Ukrain seçüvi” grajdan areketteki teşebbüs zümrelerniñ eki reberine dair makemeden evel mahsus tahqiqatnıñ keçirilüvine izin berilmesi aqqında muhtariyet prokuraturasınıñ şefaatını razı etken”,-qayd etile beyanatta.
Tafsilâtlıca oquñız: "Ukrain saylavı" ve "OPZJ" ofislerinde tintüvler, şübe bildirüvi ve buna cevap | Belli olğanı
Qırım MC prokuraturasınıñ başı İgor Ponoçovnıy şunı qayd etti ki, ğıyabiy olaraq makemeden evel keçirilgen tahqiqatı aqqında qanunınıñ qabul etüvi, işğalcı devleti ve Qırım MC territoriyasında işğal memuriyetinen yapılğan cinayetler içün ceza çeküvinden qaçınılmamazlıq ümdesiniñ kerçekleşüvini temin etmege izin berecek.
“Şubelengenlerniñ çoqusı, makemesinden ve tahqiqatından Ukrainanıñ nezareti astında olmağan territoriyalarında ya da Rusiye Federatsiyasında saqlanğanlarına köre, ğıyaben mahküm etüv mehanizmlerniñ amelge keçirilmesi, Qırımdaki cinayetlerniñ sırasında qabaatlı olğan şahıslarnı mesülietke çekmege izin berecek”,-qayd etti o.
Belli olğanı
- Qırım MC ve Aqyar şeeriniñ prokuraturası "Ukrain saylavı" areketiniñ teşebbüs gruppalarınıñ üç reberine yarımadada qanunsız referendumnıñ teşkil etme ve keçirilme şübesi ile bağlı malümat berdi. Şübeliler, yarımadanıñ işğalci başlıqları tarafından "Qırımnıñ qaytarılması içün" medallernen mukâfatlanğan ediler.
- Ukraina Telükesizlik hızmeti "Ukrain saylavı" cemaat teşkilâtınıñ ofisinde tintüvler keçirdi. Teşkilâtnıñ temsilcileri 2014 senesi Qırımnıñ işğaline ve qanunsız referendum keçirilüvine yardım etkenler.
- Medvedçukta, UTH-niñ tintüvlerni “siyasiy muhaliflerden aqqınıñ aluvı” kibi dep sayalar.
- Uvut aynıñ 19 MTMŞ, 19 uquqiy ve 8 hususiy şahısqa qarşı üç yılğa sanktsiyalarnı qabul etti. Cedvelge, ayrıca, YAOMF siyasiy şurasınıñ başı Viktor Medvedçuk ve onıñ ömür arqadaşı, alıp barıcı Oksana Marçenko oğradılar. Sanktsiyalar, terrorizmniñ paranen temin etilmesi içün kirsetilgen ediler.