Ukrain faali Bekirovnı, yedi yılğa azatlıqtan marum ettiler
İşğalcı ülkesiniñ nezareti astında olğan “Aqmescitteki merkeziy rayon makemesi” degeni, ukrain faali, sabıq siyasiy mabusı Edem Bekirovnı umumiy rejimli cezahanesinde cezasınıñ çeküvinen yedi ylğa azatlıqtan marum etüvine ve 150 biñ ruble (55 biñ grivna) miqdarında cöreme ödetüvine mahküm etti.
Bunıñ aqqında insan aqları boyunca vazifedar olğan Lüdmila Denisova bildirdi.
Onıñ sözlerine köre, Edem Bekirovnı “patlayıcı maddelerniñ saqlanuvı ve naqil etilüvinde” sahtelengen davası boyuca mahküm ettiler eken.
“Enver Bekirov, ilk gruppasınıñ saqatı üzerinde makemesini işğalcı ülkesinen ukrain vatandaşlarnıñ siyasiy taqip etüviniñ devamı olğanını dep tüşünem”,-yazdı Denisova.
Daa o, rusiye akimiyetiniñ areketlerni mahküm etip Ukraina vatandaşlarnıñ siyasiy taqip etüvlerni toqtatıp RF ve vaqtınca işğal etilgen Qırım, Donetsk ve Lugansk vilâyetlerniñ territoriyalarında qanunsız tevqifinde bulunğan er kesni azat etmege maqsadı ile halqara cemiyetine muracaat etken.
İçtimaiy Qırımğa Bekirovnıñ advokatı Aleksey Ladin tarif etkeni kibi, yaqın vaqıtta mudafaa tarafı, makeme ükmüni itiraz etecek. Onıñ sözlerine köre, imaye tarafı, aqlav ükmüniñ çıqarılmasını istey edi, prokuratura ise - 4 yıl müddetinde azatlıqtan marum etüvini tayin etmege istegen.
“Bu üküm, istinaf makemesinde itiraz etilecektir. Dava, FTH hadimlerinen sahtelendirilgenini dep tüşünemiz ve Bekirovnıñ areketlerinde cinayet degen iç bir şey yoq. Bundan da ğayrı, onıñ sağlıq alına köre, aynı bu makemeci, onı apishanede tutuvı olara cezalav çaresini lâğu etken edi. Oña köre, imaye tarafı, şunı köz ögünde tuta ki, o, azatlıqtan marum etüv tarzda cezağa oğratılıp olamaz, çünki onıñ hastalığı, tevqifhanede bulunuvına mania olğan cedvelinde bulunmaqtadır”,-qayd etti advokat.
Belli olğanı
- 2020 senesi mayıs aynıñ 14Aqmescitniñ işğal makemesi, qırımtatar faali Edem bekirovğa dair cinaiy davasınıñ baquvına qaytqan.
- Onı, 2018 senesi ilk qış aynıñ 12 sabadan Qırımğa kirüvi vaqtında tutıp aldılar. Qırımğa, 78 yaşındaki anasını ve soy-soplarnı ziyaret etmek içün yol tutqanı belli.
- 2019 senesi, ilk qış aynıñ 7 Edem Bekirov, tevqif etilgen şahıslarnen ukrain-rusiye deñişüviniñ çerçivelerinde Ukrainağa qaytqan.
- Advokat Aleksey Ladinniñ sözlerine köre, Bekirovnı Rusiye CK 2 q. 222 m. ve 2 q. 222.1 m. (patlayıcı malzemelerniñ saqlanıp alıp berilüvi) boyunca qabaatlaylar.
