Bunıñ aqqında QMC ve Aqyar Prokuraturasında bildireler.

Qayd etilgeni ikbi, şübelini, sekizden on eki yılğa qadar azatlıqtan maruv etüvi bekley. 

Tafsilâtlıca oquñız: Qırımnıñ işğal akimiyetiniñ makemecisini devlet hainligi içün 12 yılğa azatlıqtan marum etüvine mahküm ettiler

“Şubeli, yarımadanıñ işğalinden evel USQ ADQ yalı mudafaasınıñ maddiy -tehnikiy temin etilüv batalyonınıñ reber vazifesinde bulunğan edi. 2014 senesi, işğalden soñ, Ukraina halqnıñ sadıqlıq antına hainlik yapıp işğalcı devletiniñ ordusına arbiy hızmetine keçken. 2019 senesi, çeçek ayından itibaren “Qırım Cumhuriyetiniñ Aqyar şeeriniñ arbiy komissar” vazifesinde bulunmaqta edi”,-denile beyanatta.

Prokuraturanıñ malümatına köre, şübeli, “planını işlep çıqarıp işğal etilgen Aqyarda qırımlılarnıñ 5 çağıruv kampaniyasınıñ keçirilüvini teşkil etken edi. 

“Qayd etilgen areketler, 1949 senesi cenk vaqtında grajdan ealiniñ imaye etüvi aqqında IV Jeneva şartnamedeki 51 m. köz ögünde tutulğan işğalcı devletiniñ silâlı quvetlerinde hızmet etmege grajdan ealini mecbur etmege yasağınıñ bozuluvları olalar”,-dep qoştılar idarede. 

İdarede, şübeliniñ adınen soyadını adlamaylar, onıñ tefsirleri de yoq. 

Belli olğanı

• Ukrain uquq qoruyıcılar, işğal etilgen Qırımda Aqmescit vilâyetiniñ ve Aluşta şeeriniñ “arbiy komissarını” şübe aqqında bildirdiler. Erkekni cenk qanunlarnıñ ve adetlerniñ bozuluvında şübeleneler.
• Qırım Muhtar Cumhuriyetiniñ ve Aqyar şeeriniñ   prokuraturası, Aqyar şeer şurasınıñ eki sabıq deputatına şübe aqqında bildirdi.
• Muhtariyetteki prokuraturasınıñ usul reberligi ile “Aqyarnıñ öz mudafaası” silâlı şekillenüviniñ üç iştirakçısı şübe aqqında bildirilgen edi.