Bunı, “Krımİnform” işğal neşriyatı bildire.

“Qırım Cumhuriyetteki Saq rayonınıñ Örehovskoye köy ealiniñ belediye tasiliniñ belediye mülkiyetinden vilâyet arbiy-vatanperverlik terbiyeleviniñ yıllıq oqutuv-usuliy  “Avangard” merkeziniñ yaratuvı maqsadınen Qırım Cumhuriyetiniñ devlet mülkiyetine topraq arsalarnı qabul etilmege teklif etile”,-denile beyanatta. 

Qayd etile ki, merkezniñ yaratuvı içün eki qomşu arsanı yapmağa isteyler. Biri, “qurucılıq ve şifahane-kurort müessiselerniñ hızmet etüv” qullanuvı içün izin berilgen  6,2 gektar meydanı. Ekincisi- “sport” qullanuvına izin berilgen 3,9 gektar meydanı.

Uquq qoruyıcı Aleksandr Sedov, İçtimaiy Qırımğa tefsirinde,  Jeneva şartnameniniñ ve halqara gumanitar aqnıñ qaideleri işğal etilgen Qırımnıñ territoriyasında tarqatılğanını qayd etti. 

“Boyle areketler, Jeneva şartnameniñ bozuluvları olıp gaagadaki halqara makemesiniñ yurisdiktsiyasına oğraylar. Arbiy-vatanperverlik merkezlerniñ teşkil etilmesi, işğal etilgen territoriyadaki ealisi arasında işğalcılarğa vatanperverlik duyğusınıñ aşlamasına ve hızmetniñ propagandasına yöneliş tuta. Bu lagerde bulunmağa red etüvi içün iç bir cezası köz ögünde tutulmay: ne memuriy, ne de cinaiy. Onıñ içün, mekteplerde ocalar, müdirler olsalar, mecbur etip olurlar”,-qayd etti Sedov.

Belli olğanı

• Qırımnıñ işgalinden soñra, topraqlarında bala arbiy idare teşkilâtlarnıñ sayısı arttı. Ayrıca Qırım İnsan Aqları Gruppasınıñ uquq qoruyıcılarınıñ tarafından, Qırımda balalar içün arbiy enişinde olğan tedbirlerniñ keçirilmesi qayd etile. 
• Qırım uquq qoruyıcı gruppası (QUQG), mayıs ayı içinde RF silâlı quvetlerinde hızmetten qaçınması içün işğal etilgen Qırımnıñ sakinlerine dair 13 yañı cinaiy işni ve 6 yañı ükümni qayd etti.