İşğal etilgen Qırımda Lenin rayonındaki küçlü yağmurı, 18 evni suvğa ğarq etti
Qırımnıñ Lenin rayondaki Proizörnoye köyünde işğal acele hızmetleri felâketniñ aqibetlerini yoq eteler.
Bunı, Qırımnıñ işğal FVN matbuat hızmeti bildire.
“Şimdiki vaqıtqa qadar Priozörnoye k. territoriyasında küçlü yağanaqlarnıñ yağuvınen bağlı vaziyet, turğunlaşqan. Bütün gece içinde Rusiye FVN hadimleri, yaramay ava sebebinden zarar körgen insanlarğa yardım ete ediler. Mesken evlerniñ mağazlarından ve ev yanındaki territoriyalarından suv çekmesi boyunca işler devam etile”,-denile beyanatta.
Daa şusı qayd etile ki, suvnı bent ile tokip aqtarması sebebinden Priozörnoye köyünde 18 ev yanındaki territoriyasınıñ ve evniñ ğarq etüvi oldı. Bu evlerde 35 insan yaşamaqta, olardan 10-balalar. Telükeli tabiat adiseler neticesinde zarar körgen ealine kerek olğan bütün tibbiy yardımı berile.
Belli olğanı
- Mayısnıñ 29-ne işğal etilgen Aqmescitte sağanaq Semaşko adlı tibbiy merkezinin birinci qatını, “Cenübbiy Galereya” ve “Meganom” ticaret merkezlerini ve uçaq limanıni suv bastırdı.