Avropa Birligi qırımtatarlarnıñ yaqalanılmasını qanunsız saya
Avropa Birligi işğal etilgen Qırımda qırımtatarlarnıñ yaqalanılmasını esassız saya. Yaqalavlar Ukraina topraqlarında Rusiye qanunlarına köre yapılğanı - halqara uquq qaidelerine köre qanunsızdır.
Buña ait bildirmeni oraq ayınıñ 8-nde Petr Stano yayınladı.
Bildirmege köre, AB Qırım ve Aqyarda Rusiye qanunlarınıñ qullanulmasını tanımay ve qanunsız yaqalanılğan bütün ukrainlerniñ azat etilmesini bekley.
Avropa Birligi Rusiyeni qırımtatarlarğa qarşı basqını toqtatmağa ve insan aqları halqara standartlarına riayet etmege davet ete.
“Yarımadada insan aqları halqara standartları kefalet etilmek kerek. Halqara aq-uquq qoruyıcıları Ukrainanıñ bütün topraqlarına, şu cüsleden Qırım ve Aqyarğa serbest kirip olmaq kerek”, - yazıla bildirmede.
Avropa Birligi Ukraina suvereniteti, mustaqilligi ve topraq bütünligine destek bildirmege devam ete.
Malümat olaraq
- Oraq ayınıñ 7-nde saba saat 4-lerde işğal etilgen Qırımda Rusiye quvetçileri qırımtatarlarnıñ evlerine tintüvnen keldi.
- Oraq ayınıñ 8-nde Aqmescitteki işğal mahkemesi oraq ayınıñ 7-nde tutulğan qırımtatarlar içün sıñırlama tedbirini saylaycaq.
- Ukraina prezidentiniñ Qırım Muhtar Cumhuriyetindeki temsilciligi Rusiye quvetçileriniñ işğal etilgen Qırımda qırımtatarlarnıñ evlerinde keçirgen kütleviy tintüvlerine cevap berip, böyle areketlerni takbih etti.
- Amerika Birleşken Devletleriniñ Elçiligi qırımtatarlarnıñ evelerinde keçirlgen tintüvlerden raatsızlıq bildirdi.