Zelenskiy ve Bayden mevzuat muzakerelerni keçirdiler

Присяжнюк Владислава
·
10:20, 08 Kirazay
Zelenskiy ve Bayden mevzuat muzakerelerni keçirdiler
Foto menbası: Українські новинт

Ukraina prezidenti Vladimir Zelenskiy ve AQŞ prezidenti Co Bayden, RF’dan Almaniyağa "2-ci Şimaliy aqımı" esas leyhanıñ qurucılığını, Ukrainanıñ NATO’ğa bütünleşüvini, Donbasstaki vaziyetini ve Ukrainada islâatlarnıñ amelge keçirüvini muzakere ettiler.

Bunıñ aqqında prezident ofisiniñ reber mesleatçısı Mihail Podolâk tarif etti, haber ete "İnterfaks-Ukraina".

"Muzakere, muayyyen, mevzuat olıp eki taraflama munasebetlerimiz içün esas mevzulardan ibaret edi. Avropa telükesizligi içün “2-ci Şimaliy aqımı” qurucılığınıñ havfları, Ukrainanıñ NATO’ğa bütünleşüvi, Donbasstaki aqiqkiy vaziyeti, Ukrainada islâatlarnıñ amelge keçirüvi ve, ayrıca, öligarh qurumınıñ yoq etüv ceryanı”,-denile beyanatta.

Daa onıñ sözlerine köre, “em AQŞ, em Ukraina prezidenti, avropa vilâyetiniñ telükesizligi içün havflarına aynı seviyede qıymet keseler”. 

Bundan da ğayrı, Podolâk haber etkeni kibi, “prezident Bayden prezident Zelenskiyni,  Baydenniñ kiraz ayında keçirilecek olğan sammitlerinden qaytuvından soñ, oraq ayında Vaşingtonnı ziyaret etmege davet etken”. “O, Büyük yediliginiñ körüşüvi, NATO sammiti, AQŞ ve Rusiyeniñ eki taraflama sammiti”,-dedi o.

“Butün bu vaqialardan soñ, devletlerimizniñ siyasetini daa bir kere koordinatsiya etip ortaqlıq mevamlarnı zamandaşlaştırmaq mantıqlı olur edi”,-yekün çekti prezident ofisiniñ reber mesleatçısı.

Belli olğanı

  • Prezident Vladimir Zelenskiy, AQŞ prezidenti Co Baydennen, onıñ rusiye lideri Vladimir Pütinnen Jenevadaki körüşüvinden evel istegen yerde körüşmege azırlığı aqqında ilân etti.